FRATELLI TUTTI – Encíclica social do Papa Francisco

Dom Carlos Filipe Ximenes Belo (Photo: STL News)

STLNEWS.co – Iha loron tolu (3) fulan Outubru tinan ida ne’e, Amu Papa Francisco fó sai ba mundu tomak ninia Carta Encíclica foun naran FRATELLI TUTTI (iha lia italianu), dehan katak HOTU HOTU MAUN ALIN. Se mak mak maun alin? Ema hotu iha mundu rai klaran. Ema mutin, ema metan, eman modok (amarelo), ema mean, ema mestisu (mestiço); ema ho relijiaun oin oin (katóliku, protestante, musulmanu, hindu, buda, etc.), ema hosi rai ka nasaun oin oin; ema ho kultura oin oin, ema riku ka iak, ema isin diak ka ema moras, ema katuas ka ema foin sa’e, ema mane ka ema feto, ita tomak Maromak nia oan, ita maun alin.

Ohin iha mundu iha problema barak: moras Covid-19, ema emigrantes, ema refujiados; rai balu sei funu; ema brak sei terus no mate. Iha kapitul dahaluk Amu Pap Francisco hakerek kona ba “Sombras do mundo fechado”. Katak mundu ne’ebé moris daudaun iha lalatak ka nakukun barak.

Ema manipula no deforma konseitu kona ba demokrasia, kona ba liberdade no kona ba justiça. Iha ema nia let iha buat aat hanesan egoizmu e kuran interesse ba “bem comum”, ba ema hotu hotu nonia diak. Iha mundu, ema barak honoi de’it atu sai riku, hanoin deit ba lukru ka manan lalais no ho fasil, hodi hewai regra merkadu nian no solidariedade; tan ba ne’e mosu rasizmu (racismo), dezempregu (serbisu laek), “desigualdade de direitos”, ne’ebé hamosu escravatura, “tráfico de pessoas= naok no faan ema, liu liu feto no labarik); iha kostume obriga feto sira halu abortu; iha kostume fa’an ka halo kom´rrsiu ba ema nia isin/orgaun. Ohin mos iha mundu, ema harii baki ka didin boot iha iha nasuan sira leet, no iha sidade laran, hodi hamosu organizasaun oin oin hanesan mafia.

Iha ninia surat Amu Papa Francisco mos ko’alia kona ba funu no violénsia iha mundu. Ita sarani katóliku, ka ema tuir relijiaun seluk , ita ema ne’ebé la iha relijiaun, ita sei lee (sani) amu Pap ninia surat ida ne’e, atu bele fila fali ba Evanjellu, ne’ebé haruka ita hadomi malu, no hadomi mos ita nia inimigu ira.

Iha ninia Surat “Fretelli Tutti”, Amu Papa Francisco konvida iha tomak atu banati tuir “Bom Samaritano”. Iha ita nia moris, ita teki tau matan ba ema hotu ne’ebé terus ka moras. Ita lebele hatek ba sorin ka hadook-aan hosi maluk hotu ne’ebe kiak, moras, susar, moris mesak, laran taridu, hamlaha, hamorook. Dala ida tan, Amu Papa konvida ita atuhalo ezame kosiensia no huus ba ita aan rasiK. “Quem é o meu próximo?- See mak há’u nia maluk?. Ser mak besik liu mai há’u? Ka, há’u besik liu ba se?

Lisboa, 6 de outubro de 2020
Dom Carlos Filipe Ximenes Belo

LEAVE A REPLY

Please enter your comment!
Please enter your name here