Aproveita EE, Sujere Governu Hadia Area Produtivu

Direktur Ezekutivu Luta Hamutuk ( LH) Jose da Costa. (Foto: STL/Santina Castro)

DILI, STLNEWS.co – Organizasaun Sosiedade sivil Lao Hamutuk (LH) hanoin katak, sujere governu atu aproveita ho moras pandemia Covid-19, neebe ho estadu emerjensia hodi bele investe makas iha area produtivu sira.

Direktur Ezekutivu Luta Hamutuk ( LH) Jose da Costa hatete, tuir lolos governu sira uza oportunidade diak ida nee, aproveita ho moras Covid-19 atu bele, investe osan makas iha area produtivu sira, tanba ho atividade sira neebe ita lakonsege halo movimentu ba liur, nunee osan hirak nee, governu konsentra dezenvolve ita nia rain liu husi ita nia OJE neebe maka iha, hodi bele investe makas iha setor produtivu sira.

“Agora iha momentu ida nee tanba osan iha, kebetulan atu halo movimentu ba liur labele, no mos ema atu mai halo intervensaun ladiak tanba nee aproveita ida nee ita bele utiliza rekursu sira neebe maka iha ita dezenvolve ita nia area setor produtivu sira, hanesan setor agrikultura sira,” hehan nia ba STL iha nia knaar fatin Farol Sesta, (09/10/2020).

Nia hatutan, nia prefere liu tinan 2021 nee se bele governu hadia setor agrikultura nee diak liu tan, atu tinan lima ka sanulu mai tan agrikultor sira preparadu ona, aumezmu tempu aproveita ho Covid-19 neebe maka nasaun hotu hotu taka aan, ita aproveita momentu diak ida nee atu bele dezenvolve ita nia nasaun konsentra ba fundu.

“Ba hau moras Covid-19 nee maka atu aumenta to neebe mos bele, governasaun sira maka tenki uza oportunidade diak ida nee hodi hadook ita nia sosiedade sira husi moras nee, aumezmu tempu oportunidade atu bele dezenvolve ita nia rain,”

Tanba movimentu ba liur laiha, orsamentu nee konsentra deit ba iha areas ekonomia sustentavel sira nee, turizmu, no tinan oin mai ita bele loke tan turizmu ita hadia infraestrutura bazika eskola, klinika, ita halo irigasaun total tenki hadia iha tinan rua nee, tanba governasaun ida agora nia mandatu hela tinan rua ona, efetivamente tinan ida ho balun. Tanba nee aproveita didiak momentu ida nee.

“Hau atu foti osan boot ka kiik laiha kestaun, importante maka investimentu klaru, ho hanoin espetativa ida katak, ho investimentu nee ita bele hetan retornu makas husi investimentu ida nee diak liu,” dehan nia.

Investimentu durante nee ita dehan laiha duni, tanba ita hare husi planu orsamentu neebe maka iha ninia persentajen nee kiik tebes. Iha setor agrikultura kiik tebes la too 2% oinsa maka ida nee ita bele sai indikador sementara, nee lasignifika setor agrikultura deit maka diak liu ona, laos hanesan ba atu hadia deit, maka tau osan kiik, setor agrikultura hotu hakdasak no agrikultor sei hanesan individualis, tanba nee maka oinsa reorganiza.

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here