Outubru Fulan Nain Feto, Presiza Halo Devosaun No Reza Tersu

Amo Paroki Santo Antonio Kategral Baucau Padre Manuel Da Silva Ximenes SDB. (Foto: Facebook)

BAUCAU, STLNEWS.co – Fulan Outubru didika ba Nain Feto, tanba nee sarani sira presiza kompre obrigasaun hodi halo devosaun no Reza Tersu loron loron ba Nain Feto.

Kestaun nee hatoo husi Amo Paroki Santo Antonio Kategral Baucau Padre Manuel Da Silva Ximenes SDB ba STL Bainhira Remata Misa Iha Igreza Katedral, Domingo (11/10/2020). Katak sarani sira presiza halo devosaun no halo tersu nunee nain feto harohan ba oan mane Jesus atu hadok tentasaun mundu nia iha familia idak idak nia leet.

“Fulan ida nee fulan neebe mak didika ba ita nain feto nee duni ita sarani sira iha obrigasaun hodi kompre obrigasaun sarani nia hodi hakbesik nafatin ba Nain Feto tanba Nain Feto ita hatene katak jesus nia inan no Jesus entrega ita bainhira nia iha Kruz hodi saran ita ba Joao katak ida nee mak o nia Inan Joao Reprezenta simu ita nain feto ba nia uma tanba nee ita sarani idak idak hakaas aan buka nafatin hakbesik ba nia no simu nia iha ita idak idak nia uma atu halo ita nia devosaun hodi reza ba ita nia rai ita nia familia no ukun nain sira atu nunee nain feto bele tau matan no fo hanoin nunee timor oan ho neon ida laran ida hodi Dezenvolve rai no povu ida nee” dehan Padre Manuel SDB.

Padre Paroko mos husu sarani sira iha fatin hotu kontinua halo devosaun no reza tersu loron loron tanba tersu mak nuudar kilat bele uja hodi Proteze aan nuudar vida sarani iha familia.

“Dala ida tan hau rekomenda ba sarani sira hotu labele lakon kbiit no esperansa hodi reza tersu loron loron iha Imi nia familia laranm kuandu ita reza tersu nafatin ho Nain Feto nafatin harohan ba ita ba nain jesus kristu ba ita idak idak. Ita hakbesik ba Maria sei lori ita ba nia oan Jesus atu fo bensaun no Graca neebe ita presiza iha ita nia moris nuudar sarani” katak Padre.

Padre Manuel hatutan nuudar sarani neebe mak diak presiza hakbesik aan ba nain feto, liu husi nain feto nia orasaun ba nia oan jesus bele lori paz no hakmatek iha idak idak nia familia tanba ho orasaun mak bele rejolve buat hotu.

Tanba nee iha nain feto nia loron nee amlulik nee mos kontinua husu sarani sira atu reza ba malu iha familia laran no reza mos ba ema neebe mak lao sala dalan no reza mos ba ukun nain sira atu nunee bele ho fuan neebe mak nakonu ho domin no paz atu lori nasaun no povu nee ba oin nafatin.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here