OJE 2020 Bele Rekupera Ekonomia

Akademista UNDIL, Francisco Martins. (Foto: STL/Carme Ximenes)

DILI, STLNEWS.co – Ho Orsamentu Jeral Estadu neebe aprova ona husi Parlamentu Nasional, bele rekupera ekonomia iha rai laran, tanba durante nee osan laserkula ho diak iha merkaduria.

Tuir Akademista UNDIL, Francisco Martins katak,Orsamentu Jeral Eatadu 2020 neebe pasa iha Parlamentu Nasional diak tebes ba Estadu hodi fasilita atividade lubuk neebe prepara ona tuir planu.

Nia hatutan, nunee mos bele rekupera ekonomia neebe tun ba bebeik, tanba kbiit kompras ladun ida.
“Hau hanoin OJE 2020 neebe pasa on abele rekupera ekonomia iha rai laran, tanba durante nee ita haree kbiit kompras ladun iha,”dehan Francisco ba STL, iha UNDIL, Tersa (13/10/2020).

Francisco hatutan presiza tau atensaun makas ba programa, liu liu iha ezekusaun no ninia progresu sira lao oinsa, tanba iha dezafius barak mak tenke tau atensaun, nunee publiku nafatin halo kontrolu, atu nunee evita labele politiza fali osan Estadu nian ba objetivu politika.

Iha fatin seluk, Eis Deputadu Primeira Lejislatura Leandro Isaac hatetete, Orsamentu Jeral Estadu 2020 neebe aprova ona, bele fo ona inisiu ka hahu hodi rekupera ekonomia, maibe laos hanesan kalan ba loron buat hot-hotu lao ho ninia prosesu no ema mak sai fator determinante ba susesu ida nee.
Nia hatutan, povu tenke vijilansia 24 oras hodi labele husik akontese ka mosu projetu siluman no mos kompania siluman, atu nunee povu bele hetan benefisiu ba osan neebe aprova ona.*

Reportajen: Carme Ximenes
Editora: Carme Ximenes

LEAVE A REPLY

Please enter your comment!
Please enter your name here