PLP Lasimu FRETILIN Domina PA

Deputadu Bankada PLP Noé da Silva (Foto: Facebook)

DILI, STLNEWS.co – Bankada PLP iha uma fukun Parlamentu Nasional lasimu rezultadu rekrutamentu Prezidente Autoridade Munispiu sira neebe domina husi Partidu FRETILIN. Tanba FRETILIN biaviliza governu da-8 laos domina tomak.

Deputadu Bankada PLP Noé da Silva hatete rekrutamentu administrador munisipiu sira, iha munisipiu Baucau, Lautem no Viqueque domina husi Fretilin, mezmu rezultadu final publikasaun, formalmente PN seidauk simu. “Maibe nee presiza halo diskusaun diak, hanesan ema politik tenke koalia, labele sira foti tomak hanesan nee PLP atu nonok deit,” dehan Deputadu PLP nee ba jornalista iha Palasiu Nobre Lahane, Segunda (12/10/2020).

Tuir nia, PLP simu FRETILIN tanba iha komitmentu ida atu lao ba oin nunee estadu ida nee labele kada tinan halo eleisaun, , maibe bolu Fretilin mai biaviliza atu manda tomak, nee lae. “FRETILIN biaviliza governuda-8, maibe nee presiza iha komunikasaun atu haree ba futuru atu labele akontese tan, neebe ba oin presiza halo komunika, se lae ladun diak. Ami bolu sira mai atu biaviliza nee katak atu objetu ida nee labele monu, maibe ikus mai ami sai fali vitima, nee labele,” tenik Noe.

Reprezentante povu husi PLP nee akresenta poilitika sempre iha interese, laiha partidu ida mak laiha interese, partidu neebe iha interese ba ukun konserteza iha kandidatu rasik.

Soke ladun simu rezultadu rekrutamentu hirak nee, tanba emvez haree ba ema nia meritu, ezemplu hanesan iha Baucau rezultadu, ema SD ida bele manan, ema lisensiatura ho mestatradu lakon, ida nee bazeia ba saida, tanba nee mak kestiona iha publiku.

Nia relata Membru governu neebe pertense ba CNRT hela ba partidu biavilizador, laos sentidu katak prezidente autoridade no mos postu administrativu sira hotu tenke ba Fretilin, ida nee laloos. Agora dadaun Fretilin biaviliza VIII governu nee too domina hotu prezidente autoridade sira, ida nee lamenta tebes”, komenta Noé.

Iha fatin hanesan Xefe Bankada FRETILIN, Francisco Branco hatete, too agora nia parte seidauk simu informasaun husi ministeriu kompotente konaba. rekrutamentu ba prezidente autoridade munisipiu sira neebee liu husi konkursu abertu, se se deit mezmu laos funsionariu bele hatama dokumentus hodi tuir konkursu, enkuantu kestaun nee bankada governu mos kestiona nia parte lahatene, maibe atu dehan katak nee konkursu publiku, ida nee ema haree se mak kualifikadu liu maibe rezultadu too agora seidauk simu informasaun.

Tuir nia, karik iha mos nia labele kestiona tanba nee konkursu abertu nakloke ba publiku, se mak liu, maibe dehan katak liu husi konkursu atu prense deit rekezitus formal, nee nia parte sente hanesan perkonseitus, haree buat neebe loos mos dehan sala, buat neebe sira tenke komprende ba buat sira hanesan nee.

“Hau hanoin nee kestaun nee sei laiha dezentendimentu entre bankada 3 iha governu hanesan Fretilin PLP ho Khunto, tanba nee buka atu halo mudansa ba sistema, tanba liu husi konkursu,” tenik Branco.*

Editor: Ekipa STL
Reportajen: Guilhermina Franco/Domingas Soares

LEAVE A REPLY

Please enter your comment!
Please enter your name here