Konstrui Sede Maritima Hera

Ministru Defeza Filomeno Paixão. (Foto: MD)

DILI, STLNEWS.co — Prezidente Republika Francisco Guteres Lú Olo hakarak hatene planu prioridade Ministeriu Defeza nian iha tinan fiskal 2021 liu liu infraestrutura Naval nian.

Ministru Defeza Filomeno Paixão dehan, planu prioridade Ministeriu Defeza nian maka komesa ho autoridade maritima neebe aprovadu ona ho nia sistema autoridade maritima neebe sei hahu konstrui sede Naval Hera iha 2021.

“Ohin koalia liu-liu kona-ba ita elabora orsamentu 2021. Primeira reuniaun jeral ho ministeriu neebe kompetente no relevante autoridade maritima nee ba oin, tanba nee maka hanoin iha 2021, atu hatama duni osan atu halo sede Naval iha Hera,” hatete Paixão ba jornalista sira iha Palasiu Prezidente Bairru Pite, Tersa (13/10/2020).

Nia hatutan sede neebe sei harii estabese mos office ba iha autoridade maritima, iha neeba maka autoridade maritima sei estabelese no sei halao nia servisu ba oin. Alem autoridade maritima koalia mos konseitu estratejiku militar nian ho Prezidente Republika. Iha konseitu estratejiku nee, hatama ona orsamentu 2020-2021 kona-ba dezenvolvimentu sistema forsas ho dispozitivu forsas ba iha F-FDTL neebé sei haree.

Paixão relata MD komesa hanoin atu aumenta tan forsas iha fronteira ba kosta sul ho kosta norte, ida nee maka koalia dispostivu no koalia kona-ba sistema iha komponente tolu deit komponente terrestre, naval ho aero, agora mos KAS servisu lojistika sei pasa ba diresaun aberta.

Nia dehan audensia neebe halao ho Prezidente Republika resposta mos katak buat sira nee hotu liu husi Konsellu Superior Defeza no Seguransa uluk diskute tiha ona.

Autoridade maritima tuir Paixao iha ministeriu barak komesa ho Ministeriu Interior, Ministeriu Defeza, ita iha Ministeriu Finansas alfandega, iha Ministeriu Agrikultura no Peskas, ministeriu sira seluk neebe iha interese ba tasi laran. Ministeriu hirak nee hotu nia atividade agora nee halao parte militar sei laiha interrope, sei la mete ba ema ida-idak nia kompetensia servisu, maibe nafatin koordena malu ba tasi nian, tanba nee bele poupa formasaun kapasidade.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here