Prevene Covid-19 Tama Timor Leste; Presiza Kontrolu Rigorozu

Vise Reitor III UNDIL, Hugo Lourenço da Costa. (Foto: STL/Crisogono Maghalães)

DILI, STLNEWS.co – Iha Implementasaun EE ba da neen, hodi halo Prevensaun ba surtu Covid-19, ita prsiza maka atu halo kontrolu neebe rigorozu iha area fronteira terestre, tanba fronteira nee mak sai hanesan odamatan boot ba ita nia sidadaun no ema estranjeiru sira tama sai.

Lia hirak nee hato husi Vise Reitor III UNDIL, Hugo Lourenço da Costa, ba STL iha knaar fatin Maskarenhas, Dili, Kuarta (14/10/2020).

“Estadu Emerjensia neebe Governu implementa nee diak, maibe labele bandu ema halo atividade, ita presiza maka oinsa Governu liu husi Ministeriu Defesa no Seguransa kria regulamentu neebe rigirozu hodi bele kontrola ita ema nia sidadaun sira neebe tama sai fronteira terestre ho ilegalmente,” dehan Vise Reitor III UNDIL nee.

Akademista nee dehan, ita nia hakarak maka se Governu seriu atu kontrola, hodi prevene sirkulasaun surtu Covid-19 tama Timor Leste, husu Governu atu tau konsentrasaun masimu ba iha area fronteira terestre nian, tanba fronteira terestre nee fasil tebes ba ema atu tama sai ho ilegalmente.

“Ema sira neebe tama sai nee dala ruma iha ema balu maka fasilita sira hodi tama sai, nunee husu ba parte kompetenti atu buka tanba sa maka, sidadaun sira nee bele tama sai livre liu husi dalan ilegal,” haktuir nia.*

Reportajen: Crisogono Magalhães
Editor: Ekipa STL

LEAVE A REPLY

Please enter your comment!
Please enter your name here