COVID-19 Atividade Desportivas Adia

Sekretariu Estadu Juventude no Desportu, Abrão Saldanha. (Foto: Media SEJD)

DILI, STLNEWS.co – Surtu COVID-10 neebe seidauk lakon iha mundu, halo atividade desportiva barak adia, liu liu jogu internasional sira neebe Timor Leste atu ba partisipa.

Dehan Sekretariu Estadu Juventude no Desportu, Abrão Saldanha ba jornalista, iha nia knaar fatin SEJD, Largo Lecidere, Dili,Kuarta (14/10/2020).

“Hau hanoin COVID- 19 fo impaktu boot ba ema nia umanidade, barak liu mak ba atividade desportivas ,tanba atividade desportivas barak kansela tanba deit Corona virus,” dehan SEJD Abrão.

Nia dehan iha jogu barak adia hanesan jogu CPLPe adia ba tinan 2022, proposta SEJD nian foin lalais reuniaun ho Sekretariadu Tekniku Sekretariu Jeral area Desportu nian propoin atu muda ba 2022, sei halo hela konsulta ba Estadu sira seluk, depois sira fo informasaun mai, Jogu olimpiku mos hanesan jogu neebe boot iha mundu nee mos sei adia ba 2021, depois Sea Games no Pra Olimpic mos muda.

Abrão afirma agora dadauk halo hela planu, ba orsamentu 2021 sei hanoin nafatin presupostu, too 2021, maibe kuandu COVID-19 sei iha, entaun partisipasaun internasional la tau iha SEJD.

“Ita nia Estadu atu tau valor ruma iha neeba, tanba nunee iha momentu jogus internasionalis ruma importante liu liu Estadu presiza partisipa jogus Olimpikus, Sea Games sira nee bele foti osan ruma iha neeba hodi ba, maibe iha nee la iha,” dehan Abrão.

Nia dehan too agora Cientista sira neebe dehan COVID-19 iha fulan 10 hanesan nee foin kompleta vasina, nee sei dada tempu naruk. COVID- 19 nee iha nia diak no nia aat, nia att nee mak la ba partisipa iha jogu internasional, maibe nia diak nee foo oportunidade investe iha rai laran.

“Ita dehan prestasaun iha jogu internasional nee tenke diak, maibe baze mos tenke forte,” SEJD Abrao salienta.

Reportajen: Maria Tavares
Editora: Carme Ximenes

LEAVE A REPLY

Please enter your comment!
Please enter your name here