TELKOMCEL LANSA MyFood, APLIKASAUN DIGITAL HODI SUPORTA NEGOSIANTE MIKRO, KI’IK NO MEDIU TIMOR-LESTE IHA TEMPO SUSAR HASORU SURTO COVID-19

DILI, STLNEWS.co – (21/06), Surto Covid-19 ne’ebé agora daudaun afeita hela mundo global to’o ohin loron, ne’ebé fo impaktu bo’ot ba ita nia movimentu aktividade ne’ebé limitadu tebes, hanesan mos akontese iha nasaun bo’ot sira seluk ne’ebé konhesidu ho liafuan Lockdown. Relasiona ho surto Covid-19, Governu Timor-Leste rekomenda ona desizaun “Estado da Emergensia” ne’ebé maka aktividade ekonomia no negosiu sira tenki obrigatorio hala’o servisu husi uma, tamba ne’e movimentu ekonomia komunidade nian limitadu tebes ne’ebé fo impaktu bo’ot iha seitor negosiu sira, liu-liu negosiante mikro, ki’ik no mediu sira.

Responde ba situasaun hirak ne’e, Telkomcel hanesan kompania telekomunikasaun iha Timor- Leste ne’ebe hanesan parte husi Telkom Group inisiativa hamosu produto MyFood, aplikasaun hodi fasilita restorante mikro, ki’ik no Mediu sira iha capital Dili hodi desenvolve no promove transaksaun liu husi maneira Digital dahuluk iha Timor-Leste.

Telkomcel hanesan operador telekomunikasaun subsidiario husi kompania Telin, Telkom Group iha Timor-Leste rekonese katak Timor-Leste hanesan nasaun ne’ebe dezenvolvidu no nia jerasaun milineal aktivu tebes iha utilizasaun teknologia, tamba ne’e MyFood bele sai hanesan aplikasaun ne’ebe suporta movimentu ekonomia iha situasaun estado de emergensia.

CEO Telkomcel, Sr. Yogi Rizkian Bahar sublina katak “MyFood hanesan parte foun ida husi aplikasaun MyTimor uniku atu ajuda negosio UMKM (*sigla Indonezia, negosiu mikro, ki’ik no mediu), liu-liu hanesan negosio restorante iha Timor-Leste iha tempo surto Covid-19. Antes ne’e ami lansa ona MyTimor hanesan aplikasaun motorizada no taxi online hodi fasilita no tula pasanzeiru no mos manda sasan sira ba dahuluk iha Timor-Leste. Ida ne’e hanesan inovasaun digital ne’ebe oferese husi kompanha Telkomcel hahu husi fulan Dezembru tinan 2020. Ho servisu MyFood, signifika katak aplikasaun MyTimor laos deit bele manda sasan, maibe bele mos manda hahan to’o iha klienti nia uma oin”.

Aplikasaun MyTimor rasik iha ona kresimento ne’ebe rapidamente ba nia utilizasaun (user), desde inisiu to’o agora iha ona kresimentu (growth) 80.3%. MyTimor mos servisu hamutuk ho agente transporte lokal no oferese oportunidade ba komunidade sira ne’ebe maka hakarak servisu nudar motoristas (driver) ba motorizada no taxi ho nia kresimento (growth) motoristas 17%.

MyTimor iha ona parte MyFood atu fasilita negosio restorante sira iha capital Dili hodi desenvolve no hasa’e transaksaun liu husi maneira digital. Fasil ba kliente sira hodi hameno hahan husi ne’ebe deit no banhira deit. MyTimor mos kolabora ona ho 80 restorante hirak ne’ebe hetan ona sertifikadu iha Timor-Leste liu-liu iha kapital Dili. Prezensa MyFood hanesan mos responsavel social husi kompania Telkomcel ba komunidade Timor-Leste liu-liu ba negosiu iha nivel mikro, ki’ik no mediu sira, tamba dadus no peskija hatudu katak desenvolvimentu ne mikro, ki’ik no mediu sira hanesan pilar ekonomia komunidade nian no sei ajuda mos hasa’e kresimentu ekonomia no rekoperasaun ekonomia nasional.

Vice Presidente Finance & Human Capital Telkomcel
Dedy Edward Ambarita (+670-73000017 & +6282144436099)

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: