Baucau – Viqueque Rejistu Tan Kazu Foun

Koordenador Forsa-Tarefa Prrvesaun no Mitigasaun Surtu Covid-19 iha Timor-Leste, Rui Maria de Araujo. (Foto: STL/Donaciano Magalhães)

DILI, STLNEWS.co – Oras nee dadaun munisipiu Baucau ho Munisipiu Viqueque rezistu tan kazu foun neebe konfirmadu Covid-19.

Haktuir Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo ba jornalista sira liu husi konferensia imprensa iha CCD, Tersa lokraik (19/03/2021).

“Dadus neebe ita iha, pur enkuantu hatudu katak kazu hirak neebe detetadu iha Baucau nain 8, no iha Viqueque nain 3, kazu neebe lori sai husi Dili mak ba, entre 5 ho 9 de Marsu de 2021,” dehan Rui.

Nia esplika, iha munisipiu Baucau, ohin iha kazu foun nain 1, hamutuk hotu Munisipiu Baucau deteta ona kazu konfirmadu iha nain 8, no kazu foun ida nee, hela iha Aldeia Lamegua, Suku Bahu, Baucau Vila, nomos kazu konfirmadu ida nee halo viajen husi Dili ba Baucau, iha dia 5 de Marsu, iha Dili nia hela iha Aldeia 25 de Abril, Suku Santa Cruz, Postu Administrativu Nain Feto.

Iha biban nee nia apela mos ba populasaun neebe sai husi Dili entre dia 5 too dia 9 madrugada ba munisipiu sira seluk, molok serka sanitaria hahu iha Dili, favor ida aprezenta an ba autoridade no saude sira neebe besik liu imi nia hela fatin hodi bele hetan atendimentu. *

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here