Covid-19 Kontinua Rejistu Iha Dili

DILI, STLNEWS.co – Liu husi Centro Integrado Gestão de Crises, Sala Situação (CIGC-SS) fo sai katak, Covid-19 kontinua rejistu aas iha munisipiu Dili hamutuk 31. Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba jornalista sira liu Zoom Call iha Sabadu (17/04/2021).

Nia dehan, evolusaun surtu Covid-19 iha munisipiu Dili kontinua rejistu aas iha munisipiu Dili hamutuk nain 31. “Ita kontinua rejistu kazu foun pozitivu iha munisipiu Dili, ohin dia 17 de Abril nee detekta kazu foun 31,” hatete Rui.

Nia esplika, husi kazu detetadu neebe pozitivu iha munisipiu Dili, sura kumulativamente too ohin 17 de Abril hamutuk 1.037. Nee hahu ohin, sei la relata dadus cluster, maibe sei temi deit fatin neebe kontinua deteta kazu foun iha Munisipiu Dili nia laran husi horisehik mai ohin fatin sira neebe deteta kazu foun. Nia informa, Madohi kazu nian 10, Comoro kazu 6, Fatuhada kazu 6, Bairro Pite kazu 3, Becora, Colmera, Metiaut, Vila-Verde, Taibessi, Caicoli, ida-idak kazu 1 total 6.

Nia esplika, husi total kazu detetadu foun iha nian 43, iha nee mane 22, feto 21, husi total kazu detetadu foun, sira nee iha asintomatiku hotu kedas ba 100%. Depois iha kazu foun ohin nee nain 41 mak deteta tamba halo teste ho razaun atu halo viajen/ka halo ona viajen ba munispiu hafoin deteta pozitivu.

Nia tenik iha kazu rekuperadu neebe relata iha dia 17 de Abril nian 20, total kazu ativu iha sala izolamemtu nian 592. Aleinde nee husi horisehik mai ohin, hamutuk hotu Laboratóriu Nasionál Saude halo 1.059 testes PCR, ho detalles, neebe vijilánsia sentinela 25, rastreiu ba kontaktu contact tracing 65.

Nia hatutan, rastreiu aleatoriu (Random Screening) 159. Viajen sai husi serka sanitaria Munisipiu Dili 759. Nomos viajen ba internasionál 23, follow up iha kuarentena 28, total pedidu autorizasaun esepsional atu sai husi serka sanitaria iha Munisipiu Dili iha dia 16 de Abril, hamutuk 242. Sekretariadu CIGC responde hotu kedas, maibe pedidu 1 la prienxe kriteriu tuir rezolusaun governu konaba serka sanitaria iha Munisipiu Dili.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...

Hasoru Susar, Penhor Oan; Konsidera Krime, Presiza Investiga

DILI, STLNEWS.co - Relasiona ho inan neebe penhor nia oan atu selu uma kos, Prezidente Parlamentu Nasional (PPN), Aniceto Guterres konsidera tama kategoria krime,...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mensagen Avo Horta https://youtu.be/YPnLzaLb43E • Mental Health https://youtu.be/Ow3-hgXPryE •...
%d bloggers like this: