Covid-19 Update (11/06/2021): Kazu Foun Munisipiu Dili Nain 22

DILI, STLNEWS.co – Ohin loron dia 11 fulan Juñu liu husi Centro Integrado Gestão de Crises, Sala Situação (CIGC-SS), rejistu kazu konfirmadu Covid-19 pozitivu hamutuk nain 31, Munisipiu Dili nian iha nain 22.

Hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araujo ba jornalista liu husi nota konferensia imprensa, Sesta (11/06/2021).

Nia dehan, kazu foun neebe konfirmadu Covid-19, pozitivu nain 31, Munisipiu Dili nain 22 no Munisipiu seluk iha nain 9, husi kazu nee iha mane nain 17 no feto nain 14, sira neebe hotu idade 12 too 59 nain 29 no idade 60 iha nain 2, sira nee hotu sintomatiku hamutuk 19,3%.

Aleinde nee, iha Laboratoriu Nasional Saude halo teste PCR 588 iha Dili nian, vijilansia sentinela 28, rastreiu ba kontaktu (contact tracing) 4, rastreiu aleatóriu (random screening) 191, viajen sai husi serka sanitaria Munisipiu Dili nian iha 282, viajen internasional 76, no follow up iha kuarentena 7.

Nia informa, iha mos testes PCR neebe halo horiseik dia 10 de Juñu iha Munisipiu sira seluk inklui HNGV hamutuk 602, hanesan Munisipiu Baucau 83, Ermera 142, Maliana 27, Maubisse 133, RAEOA 5, Suai 38, Viqueque 66, no HNGV 108.

Entretantu kazu konfirmadu kumulativu iha 11 de Juñu 2021 nian no sura husi dia 21Marsu Tinan 2020 8.145, no kazu ativu neebe oras nee iha sala izolamentu iha 1.616, nomos rekoperadu ohin iha 164.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: