Covid-19 Update (15/06/2021): Pozitivu 71 & Rekoperadu 206

DILI, STLNEWS.co – Ohin loron 15 fulan Juñu 2021, liu husi Centro Integrado Gestão de Crises, Sala Situação (CIGC-SS) iha kazu foun pozitivu Covid-19 iha 71 no rekoperadu iha nain 206.

“Ohin kazu detetadu foun neebe ita relata nain 71 pozitivu Covid-19, iha Munisipiu Dili nain 44, nomos munisipiu seluk nain 27,” hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste,(CIGC-SS), Rui Maria de Araújo liu husi nota konferensia imprensa ba publiku, Tersa (15/06/2021).

Nia dehan, husi numeru nee, iha mane nain 45 no feto nain 26, sira nee iha idade 12 nee iha nain 1, no entre idade 12 too 59 nain 64, maibe iha mos ema ho idade 60 nee iha nain 6, sira nee kazu sintomatiku hamutuk 11,2%.

Aleinde nee, iha Laboratoriu Nasional Saude halo teste PCR iha 1.100, ida nee Dili nian, vijilansia sentinela 4, rastreiu ba kontaktu (contact tracing) 55, rastreiu aleatoriu (random screening) 143, viajen sai husi serka sanitaria Munisipiu Dili iha 760, viajen internasional iha 116, no follow up iha kuarentena 22.

Nia esplika, total testes PCR neebe halo horiseik dia 14 de Juñu iha Munisipiu sira seluk inklui HNGV hamutuk 560, hanesan Munisipiu Baucau iha 100, Ermera 145, Maliana 54, Maubisse 110, RAEOA 10, Suai 43, Viqueque 18, no HNGV 80.

Entretantu kazu konfirmadu komulativu iha 15 de Juñu 2021 no sura husi 21 Marsu 2020 8.412, nomos kazu ativu neebe oras nee sei iha izolamentu hamutuk 1.354, no rekoperadu neebe relata iha nain 206 neebe fila ba uma.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: