Covid-19 Update (16/06/2021): Pozitivu 66 & Rekoperadu 145

DILI, STLNEWS.co – Ohin loron 16 fulan Juñu liu husi Centro Integrado Gestão de Crises, Sala Situação (CIGC-SS) fo sai katak, kazu Covid-19 pozitivu hamutuk 66 no rekoperadu iha nain 145.

Hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo, ba jornalista sira liu husi nota konferensia imprensa, Kuarta lokraik (16/06/2021).

“Kazu detetadu foun nee ita relata iha nain 66 neebe pozitivu no Dili nian iha nain 46 nomos munisipiu seluk 20,” hatete Rui.

Nia esplika, husi kazu hira nee iha mane nain 41 no feto nain 25, sira nee ho idade 12 iha nain 1, nomos entre idade 12 too 59 nain 63 , nomos ema ho Idade 60 iha nain 2, sira mesak kazu sintomatiku hamutuk 7,5%.

Aleinde nee iha Laboratoriu Nasional Saude halo teste PCR 1.097 neebe iha Dili, hanesan vijilansia sentinela 2, rastreiu ba kontaktu (contact tracing) 101, rastreiu aleatoriu (random screening) 231. Viajen sai husi serka sanitaria Munisipiu Dili 686, viajen internasional 42, follow up iha kuarentena 35.

Nia esplika, total testes PCR neebe halo horiseik dia 15 de Juñu iha Munisipiu sira seluk inklui HNGV hamutuk 427, tuir mai hanesan Munisipiu Baucau 100, Ermera 11, Maliana 23, Maubisse 99, RAEOA 35, Suai 14, Viqueque 26, no HNGV 119.

Entretantu total kazu ativu iha 1.275 no rekoperadu nain 145, no iha kazu konfirmadu kumulativu iha 16 de Juñu tinan nee sura husi 21 Marsu tinan 2020 8.478.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: