Covid-19 Update (26/06/2021): Pozitivu 67, Obitu 1, & Rekoperadu 122

DILI, STLNEWS.co – Loron 26 fulan Junnu liu husi Centro Integrado Gestão de Crises, Sala Situação (CIGC-SS / SS-SIJK) rejistu tan kazu pozitivu Covid-19 nain 67 nomos obitu nain 1 neebe hakotu iis iha izolamentu Vera Cruz, nunee mos iha kazu rekoperadu 122.

Hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo, ba publika liu husi nota konferensia imprensa, Sabado (26/06/2021).

“Kazu foun nee ita rejistu nain 67 Munisipiu Dili 48, nomos iha munisipiu seluk hamutuk 19,” hatete Rui.

Nia dehan, husi kazu sira nee iha mane nain 40 no feto nain 27, husi sira nee iha idade 12 nee iha nain 1, no entre idade 12 too 59 nain 66, nomos idade 60 laiha, sira nee iha 8,9% sintomatiku.

Aleinde nee, iha mos obitu neebe relata ohin 26 de Junnu iha nain ida, feto idade 32 Timoroan, hela iha suku Comoro, Munisipiu Dili.

Nia esplika, matebian nee pozitivu Covid-19 iha 1 Junnu, iha 5 Junnu enkamina husi Tasi- Tolu mai izolamentu Vera Cruz ho diagnoze traballu sindroma insufisiensia respiratoria aguda ka susar/defisil atu dada-iis, tanba Covid-19.

Nia informa, matebian hetan tratamentu tuir protokolu neebe iha, inklui tratamentu ho oksijéniu, liu husi non-rebreather mask, maibe horiseik loraik 17:25 otl, nia iis-kotu tanba respiratoric failure no multiple organ failure, familia koordena ona ho ekipa saude atu halao funeral tuir protokolu neebe adopta iha Timor-Leste.

Entretantu kazu rekoperadu nain 122, no ativu iha izolamentu iha nain 812, kazu konfirmadu kumulativu iha 26 Junnu 2021 no sura husi 21 Marsu 2020 iha 8.979.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: