Covid-19 Update (30/06/2021): SIJK Rejistu Kazu Pozitivu 104 & Rekoperadu 54

DILI, STLNEWS.co – Loron 30 fulan Juñu 2021 liu husi Centro Integrado Gestão de Crises, Sala Situação (CIGC-SS / SS-SIJK) rejistu kazu Covid-19 pozitivu hamutuk nain 104 no rekoperadu iha nain 54.

“Kazu detetadu foun neebe relata ohin dia 30 de Juñu de 2021 iha 104, iha Munisipiu Dili Iha nain 28, no iha Munisipiu Ermera nain 60, no munisipiu seluk hamutuk 16,” haktuir Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo ba jornalista sira liu husi nota konferensia imprensa, Kuarta (30/06/2021).

Nia dehan, husi total kazu detetadu foun nee iha mane nain 74 no feto nain 30, husi total kazu detetadu foun ohin entre idade 12 too 59 nain 98 ba (94,2%), nomos ho idade 60 iha nain 6, maibe sira nee iha 1,9 % maka sintomatiku (hatudu sintomas).

Aleinde nee, iha mos total óbitu neebe relata ohin 30 de Juñu tinan 2021 iha nain 1, feto ho idade tinan 60, Timoroan, nia hela iha Suku Comoro, Munisipiu Dili neebe diagnostikadu sindroma insufisiénsia respiratória aguda (SIRA), tanba Covid-19 Cycle Thresehold N2gene 30,5, E gene 28,6, iha HNGV, iha 29 Juñu, mais ou menus tuku 14:00 OTL.

“Matebian iha istoria moras seluk hanesan diabetes, kankru iha intestinu neebe naklekar ona mos ba pulmaun, hafoin transfere ba Vera Cruz, matebian hetan tratamentu ba SIRA, tuir protokolu neebe iha, maibe iha 17:00, matebian iis-kotu, ita haree familia koordena ona ho ekipa saude atu halao funeral tuir protokolu neebe adopta iha Timor-Leste,” nia informa.

Nia esplika, hakarak informa mos ba pubilku katak, óbitu bebe fulan 7 neebe relata horiseik, dia 29 Juñu, laos hela iha Suku Bahamori, Postu Administrativu Venilale, Baucau, maibe hela iha Audian, Dili. Ami husu deskulpa ba ida nee,” nia afirma.

Entretantu kazu ativu iha sala izolamentu sira iha 839 no rekuperadu 54, total kazu konfirmadu kumulativu iha 30 de Juñu 2021 no sura husi 21 Marsu 2020 hamutuk 9.222.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...