Covid-19 Update (7 Jullu 2021): SIJK Kontinua Rejistu Kazu Pozitivu 36

DILI, STLNEWS.co – Loron 7 fulan Jullu 2021, liu husi Centro Integrado Gestão de Crises, Sala Situação (CIGC-SS / SS-SIJK) kontinua rejistu kazu pozitivu Covid-19 hamutuk 36, iha Dili 26 no munisipiu seluk iha nain 10.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, ba jornalista liu husi nota konferensia imprensa, Kuarta (07/07/2021).

“Kazu detetadu foun neebe relata ohin dia 7 de Jullu de 2021 36 no iha Dili nain 26, munisipiu seluk hamutuk 10,” nia esplika.

Nia dehan, husi kazu 36 nee iha mane 19, feto 17, sira nee ho idade entre tinan 12-59 nain 36 (100%) ho idade 60 mak laiha, sira nee 13,8 % maka sintomatiku (hatudu sintomas).

Nia mos informa, kazu rekuperadu iha nain 91, no kazu ativu neebe sei iha sala izolamentu 887, nomos total kazu konfirmadu kumulativu iha 7 de Jullu 2021 no sura husi 21 Marsu 2020, iha 9.594.

Aleinde nee iha Laboratoriu Nasional Saude halo teste PCR iha 695 no iha Dili hanesan vijilansia sentinela 20, rastreiu ba kontaktu (contact tracing) 11, rastreiu aleatóriu(random screening) 33, viajen sai husi serka sanitaria Munisipiu Dili 592, viajen internasional iha nain 6, follow up iha kuarentena 33.

Testes PCR neebe halo horiseik dia 6 de Jullu iha Munisipiu sira seluk inklui HNGV hamutuk 298, hanesan Munisipiu Baucau 62, Ermera 21, Maliana 7, Maubisse 129, RAEOA laiha (0), Suai 25, Viqueque 25, no HNGV 29.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: