Dili Rezista Tan Nain 67, Rekoperadu Nain 90

Koordenador Forsa Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo. (Foto: STL/Jeniche da Costa)

DILI, STLNEWS.co – Ohin loron 7 no 8 fulan Abril tinan 2021, liu husi Centru Integrado Gestão de Crises, Sala Situação (CIGC-SS) fo sai katak, kazu foun neebe konfirmadu pozitivu Covid-19 iha Munisipiu Dili aumenta ba nain 67 no rekoperadu nain 90.

Haktuir Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS) Rui Maria de Araújo, ba publiku liu husi konferensia imprensa iha CCD, Kinta (08/04/2021).

“Iha loron 7 too 8 fulan April, munisipiu Dili, ita deteta tan kazu foun Covid-19 nain 67, rekoperadu hamutuk 90, total kazu ativu ohin loron 7 no 8 hamutuk 493,” dehan Rui.

Nia informa, total kazu detetadu pozitivu iha Munisipiu Dili husi loron 7 de Marsu 2021, too ohin 08 de Abril tinan 2021 nee hamutuk hotu 689. Ho baze ba informasaun ne’ebé disponível, ekipakonjunta saúde hafoin fali revizaun ba foku propagasaun no cluster iha Municipiu Dili ho baze ba ligasaun entre kazu iha area geografikano expozisaun ba fonte infesaun. Suku sai nuudar area geografika neebe uza hanesan baze.

Foku propagasaun cluster hetan revizaun hanesan, ho nunee iha Munisipiu Dili reorganiza cluster tuir area geografika suku nian ho fatin propagasaun seluk mos, hamutuk hotu iha 21 cluster. Nia hatutan, iha cluster 68 mak sei nafatin hatudu atividade hadaet tutan virus SARS-CoV-2, husi ema ida ba ema seluk.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here