Evolusaun Surtu Covid-19, Dili Rejistu Tan Kazu Foun Hitu

DILI, STLNEWS.co – Ohin loron 13 fulan Abril tinan 2021, Centro Integrado Gestão de Crises, Sala Situação (CIGC-SS) rejistu tan kazu foun iha munisipiu Dili nain hitu (7).

Liafuan nee haktuir husi
Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS), Rui Maria de Araújo ba jornalista sira liu husi konferensia imprensa iha CCD, Tersa (13/04/2021).

“Iha munisipiu Dili, iha 13 Abril ita deteta kazu foun nain 7, tanba kazu detetadu ka pozitivu iha Munisipiu Dili husi loron 7 fulan Marsu hahu deteta kazu iha cluster BTN II, Terra Santa, Madohi, too ohin loron 13 fulan Abril hamutuk hotu 844,” katak nia.

Nia informa, ho baze ba informasaun neebe disponivel, ekipa konjunta saude halo fali revizaun ba foku propagasaun/cluster iha Munisipiu Dili.

Nia haktuir, suku sai nuudar area geografika neebe uza hanesan baze atu haree ligasaun entre kazu, no ligasaun ho expozisaun ba fonte infesaun.

Iha biban nee aproveita informa hikas ba publiku katak, iha Munisipiu Dili rejista obitu ida (1) tan, iha dia 12 Abril tinan 2021. Too oras nee seidauk iha konkordansia entre familia ho autoridade estadu nian konaba funeral ba mate isin.

Aleinde nee mos, dadus jeral Timor Leste detadu kazu foun iha loron 13 fulan Abril tinan 2021, total kazu 17 no kazu iha Dili hamutuk nain 7 no munisipiu sira seluk nain 5.

Kazu rekoperadu iha loron 13 fulan Abril tinan 2021 zero (0), nomos kazu ativu iha iha sala izolamentu hamutuk 544 nee husi total kazu ohin nian, maibe kazu ohin mane 4 no feto 8. Depois husi total kazu detetadu foun ohin 100% asintomatiku.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Negosiante OB Manleuana Labele Okupa Estrada

DILI, STLNEWS.co - Koordenador merkadu Manleuana, Julio Caldas, husu ba negosiante obralan labele dada lona tama ba estrada publiku, tanba nee movimentu kareta no...

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...
%d bloggers like this: