Izolamentu Vera Cruz Kazu Pozitivu Moderadu 7 – Grave 1

DILI, STLNEWS.co – Oras nee dadaun kazu pozitivu Covid-19 neebe baixa hela iha sala izolamentu Vera Cruz iha nain 8, nain 7 mak moderadu no nain ida 1 grave.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS), Rui Maria de Araújo liu husi zoom call ba jornalista no publiku, iha CCD, Kuarta (14/04/2021).

“Iha izolamentu Vera Cruz iha kazu pozitivu nain ualu, ida grave, nain hitu mak moderadu,” nia esplika.

Nia dehan, husi kazu nain ualu neebe iha izolamentu nee pozitivu nain 8, 4 iha area medisina interna nomos 4 sira seluk iha obstetrisia ka inan isin rua nian fatin.

“Kazu grave neebe iha Vera Cruz, nafatin uza ventilador no hemu ai-moruk balun tuir protokolu neebe Timor Leste adopta, ohin iha saturasaun oksijénio iha 96%, no estável, nee ita haree hatudu rezultadu neebe diak,” nia informa.

Aleinde nee iha fulan Maiu 2020 nomos Marsu tinan 2021, LNS haruka 70 amostras ba halo analize sekuensiasaun genomika iha Doherty Institute, University of Melbourne, Australia.

Nia hatutan, rezultadu husi analiza haruka mai iha semana kotuk ho rezultadu hanesan, tanba nee husi total 70 amostras, 99,6% hatudu variante sira neebe sirkula iha Indonezia, Australia no Papua Nova Guine. Depois iha amostra 1 neebe rekolle iha 27 Dezembru 202 hatudu variante B.1.1.7, neebe sirkula iha Inglaterra. Nia tenik, husi amostra sira nee, la iha ida mak hatudu variante Afrika do Sul no mos variante Brasil.*

Reportajen: Jeniche da Costa
Editora : Domingas Gomes

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: