Kapital Dili Rezistu Kazu Foun Nain Neen

Koordenador Forsa-Tarefa Prrvesaun no Mitigasaun Surtu Covid-19 iha Timor-Leste, Rui Maria de Araujo. (Foto: STL/Donaciano Magalhães)

DILI, STLNEWS.co – Munisipiu Dili oras nee dadaun kontinua rezistu tan kazu konfirmadu pozitivu Covid-19 hamutuk nain neen (6).

Hatete Koordenador Forsa-Tarefa Prrvesaun no Mitigasaun Surtu Covid-19 iha Timor-Leste, Rui Maria de Araujo ba jornalista sira liu husi konferensia imprensa, iha Sala Situasaun Sentru Integradu Jestaun Krize (SIJK), CCD, Dili, Sabadu lokraik (13/03/2021).

“Ita hahu husi progresu atividade prevensaun no mitigasaun surtu Covid-19 iha munsipiu Dili, husi horisehik mai ohin, husi amostra neebe rekolla iha munisipiu Dili, durante attividade buka tuir kontaktu besik, iha tan kazu pozitivu nain neen (6) iha munisipiu Dili,” nia hatete.

Nia dehan, kazu nian 6 husi Aldeia Loron Matan, Suku Madohi. Pozitivu hira nee kontaktu husi sira nian familia uma laran neebe anunsia tiha ona iha loron hira liu ba.

Nomos kazu pozitivu rua (2) neebe halo formasaun Emergency Obsterics and Neonatal Care (EMONC) iha HNGV, hanesan mos horsehik anunsia tiha ona. Nia esplika, sira nain rua kontaktu besik ho professional saude ida neebe mos halo formasaun hanesan iha HNGV, neebe anunsia iha dia 10 Marsu, total hamutuk nain (7) tuir formasaun EMONC, sira nee detektadu hamutuk, ho kazu ida neebe anunsia iha dia 9 Marsu.

Tuir mai kazu positivu nain ida, nee rezultadu screening iha Aldeia Terra Santa, Suku Madohi, kazu ida tan iha munisipiu Dili, ho idade tinan ida fulan ualu.

“Bebe oan idade tinan ida fulan 8 nee bebe oan ida, ita detekta iha sala izolamentu, nia ba izolamentu hamutuk ho nia inan, tanba nia inan labele husik hela nia iha liur, sira nain rua tama iha izolamentu kuarentena Batugade, momentu sira liu fronteira tama iha kuarentena depois ita foin detekta inan pozitivu Covid-19,” nia esplika.

Tanba nee kazu pozitivu iha munispiu Dili husi 3 Marsu too ohin loron hamutuk lima nulu resin tolu (53), bazeia ba informasaun hira neebe ekipa konjuta saude rekolla fo agrupamentu ka cluster pozitivu iha Dili, laiha mudansa, maibe iha deit mudansa iha naran iha suku no aldeia neebe presiza ajusta.

“Cluster primeiru iha BTN II, Terra Santa, Suku Madohi, iha 7 Marsu ita detekta nain 2, i horisehik ami relata iha kazu neen (6), ohin ita sae ba hitu (7) tanba husi Aldeia Loron matan iha tan kazu nain ida,” nia tenik.

Nia esplika, iha Aldeia Golgota Suku Madohi, laiha mudansa, kazu 3 nafatin. Aldeia Loron Matan Suku Madohi iha mudansa horisehik iha kazu rua (2), ohin iha tan kazu rua (2) hamutuk nain haat (4).

Nomos iha Aldeia 4 Setembru laiha mudansa nain 2 nafatin, Aldeia Fumentu i Suku Comoro mos laiha mudabsa kazu 3 nafatin, Aldeia 05, Sukui Fatuhada mos hanesan laiha mudansa kazu 3 nafatin, Aldeia 20 de Setembru, Suku Bebonuk mos hanesan laiha mudansa kazu 2 nafatin, Delta kazu 1 nafatin, Aldeia Frekat Suku Bairru-Pite mos hanesan kazu 3, Minesteriu Finansa ho Ministeriu Transporte no komunikasaun laiha mudansa, Emergency Obsterics and Neonatal Care (EMONC) HNGV, mak iha mudansa ohin iha kazu rua (2) kompara ho hoirsehik iha kazu 5, nomos Bairru Formoza mos seidauk iha mudansa sei iha kazu 2 nafatin.

Tanba nee, kazu iha Munisipiu Dili nian 53 nee fahe ba cluster nafatin 14, maibe namkari iha instutisaun 3, iha eventu ida Suku 6 iha Postu Adimistrativu Dom Aleixo, no mos Postu Adimistrativu Vera Cruz.

Doutor Rui dehan ba populasaun iha Timor laran tomak, atu nafatin hakmatek, nafatin matan moris neon nain, lalika rona no fiar rumoris, maibe pratika nafatin medida sira neebe hotu-hotu hatene ona.

“Ita uza nafatin maskra, fase liman beibeik ho sabaun ka dezinfetante ruma, evita kose liman ba matan, inus ho ibun, nomos wainhira kumprimenta malu, lapresiza kaer liman bensa liman, rei malu, ka hakuak malu, evita halibur malu barak, hamriik ka tuur dok malu husi ema seluk, minimu metru ida ho balun.

Entretantu kazu foun iha kapital Dili nian 6, no mos munisipiu Baucau nian nian 2, kazu rekuperadu nain 2. Oras nee dadaun kazu ativu iha nain 82, neebe oras nee izolamentu iha Tasi-tolu no Vera Cruz.*

Reportajen: Jeniche da Costa/Donaciano Magalhães
Editor: Ekipa STL

LEAVE A REPLY

Please enter your comment!
Please enter your name here