Kazu Foun Covid-19 Hitu Mai Husi Tasi Tolu Ho Bebonuk

Koordenadór Forsa Tarefa SIJK, Rui Maria de Araújo. (Foto: STL/Jeniche da Costa)

DILI, STLNEWS.co – Liu husi konferénsia imprensa, Koordenadór Forsa Tarefa SIJK, Rui Maria de Araújo, deklara katak kazu husi BTN 2 suku Madohi Postu Administrativu Dom Aleixo, Munisípiu Dili, hafoin deteta kazu foun rua iha tasi tolu no loron tuir kedas ekipa konjuntu buka tuir kontaktu besik konsege deteta tan kazu foun hotu mai hosi Tasi-tolu nain neen (6), Bebonuk ida (1).

“Ohin ita deteta tan kazu foun hitu, ida mai hosi Tasi-tolu BTN II, no nain ida mai hosi Bebonuk, ho kazu neebe iha, ekipa konjuntu kontinua buka tuir tan kontaktu hosi agrupamentu hirak nee, maibe balun ekipa foti amostra ona, hein rezultadu tuir mai,” hatete Rui Maria de Araujo ba jornalista sira iha SIJK, CCD, Segunda (08/03/2021).

Rui dehan, liga ho kazu pozitivu husi Bebonuk nain ida nee, depois ekipa foti ona amostra 55 husi komunidade sira neebe hela besik, iha mos restreiu aliatoriu ka screening neebe halao ba kazu pozitivu sira, kuaze rekolla purvolta amostra atus 300, hosi amostra hirak nee husi laboratoriu nasion sei halo analiza, hafoin aban lokraik foin bele hatene ninia rezultadu .

“Agora ita konfirma katak TL iha cluster rua, maibe ekipa konjuntu nafatin buka indisiu primariu nee husi neebe, mas ita seidauk too iha konkluzaun katak ita seidauk iha transmisaun komunitariu, tanba kazu hirak ne’e iha ligasaun ho kazu ida neebe ita deteta iha Baucau,” nia afirma.

Eis PM nee esplika, kazu Bebonuk nee, kazu espesial, tanba nee ita hotu hein ita nia ekipa vijilansia epidemolojiku halo hela analiza ba dadus hirak nee, hanesan hau hatete ona katak numeru kazu iha Dili laran komesa aumenta makas, tanba nee populasaun tomak tenke kumpri regras komfinamentu domixiliariu neebe Konsellu Ministru foti ona.

“Progresu husi atividade buka tuir hosi cluster Klauhalek nian iha Covalima, atividade buka tuir kontaktu iha Fatumea iha loron hirak liu ba seidauk iha tan rezultadu pozitivu iha neeba,” nia informa. Tanba nee junta saude nian kontinua halo teste ba daruak ba iha Fatumean no mos Suai Vila .

“Ho dadus foun hirak nee ami anunsia ba publiku katak, kazu foun iha loron Segunda iha nain hitu, kazu rekuperadu laiha no kazu ativu iha izolamentu Vera-Cruz ho Tasi-tolu hamutuk 35, kazu hirak nee sira ho kondisaun saudavel, laiha ida mak sintoma mear, isin manas,” Rui tenik .

Tanba nee, hosu populasaun Timor laran tomak atu tuur hakmatek atu kontinua halo regra komfinamentu, neebe governu deklara ona liu husi Konsellu Ministru .

“Husu ba populasaun iha Dili laran tomak atu kalma kontinua halo komfinamentu domixiliariu jeral iha rezidente munisipiu Dili, neebe sei hahu hosi 00.00 madrugada, katak tuir portavos husi KM niqn deside ona ohin,” nia afirma*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here