Kazu Foun Iha Dili Aumenta 54

Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo. (Foto: STL/Jeniche da Costa)

DILI, STLNEWS.co – Loron 26 fulan Marsu, liu husi Centru Integradu Gestão de Crises, Sala Situação (CIGC-SS) fo sai katak, kazu foun Iha Munisipiu Dili kontinua aumenta ba 54, rekoperadu 17, nomos kazu ativu iha sala izolamentu hamutuk 298.

Liafuan nee informa husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku liu husi zoom call iha CCD, Sesta (26/03/2021).

“Ohin iha Munisipiu Dili iha kazu foun hamutuk nain 54, tanba nee kazu pozitivu nain ida hela iha Aldeia Funu Hotu, Suku Kuluhun. Pozitivu ida nee deteta iha atividade vijilansia sentinel,” nia dehan.

Nia esplika, pozitivu nain 1, hela iha Aldeia Aimutin, Suku Comoro, no pozitivu ida nee deteta iha HNVG, depois kazu pozitivu nain 1 nee hela iha Aldeia Beto Oeste, Suku Madohi, kontaktu-besik ho cluster ezistente. Depois kazu pozitivu 1 seluk hela iha Aldeia 05, Suku Fatuhada, kontaktu-besik ho cluster ezistente, nomos kazu pozitivu 1 nee hela iha Aldeia Toko Baru 2, Suku Kuluhun, kontaktu-besik ho cluster ezistente.

Nia informa, pozitivu 1 hela iha Aldeia Bidau Manumata, Suku Bidau Santana, kontaktu-besik ho cluster ezistente, no kazu pozitivu nain 1, hela iha Aldeia Fomentu 2, Suku Comoro, kontaktu-besik ho cluster ezistente. Nia haktuir, kazu pozitivu nain 2, nee hela iha Aldeia 02, Suku Fatuhada, kontaktu besik ho cluster ezistente. Nomos kazu pozitivu nian 2, hela iha Aldeia Lemkari, Suku Manleuana, kontaktu besik ho cluster ezistente.

Nia hatutan, pozitivu nain 7 nee hela iha Aldeia 30 de Agosto, Suku Comoro, kontaktu besik ho cluster ezistente, no kazu pozitivu nain 7 seluk nee hela iha Aldeia Maucocomate, Suku Becora, kontaktu-besik ho cluster ezistente.

Nunee mos kazu pozitivu nain 11, hela iha Aldeia Metin 1, Suku Bebonuk, kontaktu besik ho cluster ezistente, kazu pozitivu nian 6 nee hela iha Aldeia Rosario, Suku Madohi, kontaktu besik ho cluster ezistente. Rui afirma, kazu pozitivu nain 4 nee hela iha Aldeia Mura, Suku Santa Cruz, kontaktu besik ho cluster ezistente, no kazu positivu nian 8, deteta iha kuarentena lubuk ida iha Dili laran kazu pozitivu hirak nee, nain 1 profisional saude neebe kontaktu ho kazu pozitivu nain 7 halo viajen husi Portugal, Italia ho Filipina.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here