Kazu Foun Nain 17, Rekoperadu Nain 14

DILI, STLNEWS.co – Loron 14 fulan Abril tinan 2021, Centro Integrado Gestão de Crises, Sala Situação (CIGC-SS) rejistu tan kazu foun iha Munisipiu Dili nain 17 no rekoperadu hamutuk nain 14.

Haktuir Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS), Rui Maria de Araújo ba jornalista sira liu husi konferensia imprensa iha CCD, Segunda (14/04/2021).

“Iha munisipiu Dili, iha dia 14 Abril ita deteta kazu foun nain 17, tanba kazu detetadu ka pozitivu iha Munisipiu Dili husi loron 7 fulan Marsu hahu deteta kazu iha cluster BTN II, Terra Santa, Madohi, too ohin loron 14 fulan Abril hamutuk hotu 861, kazu rekoperadu ohin loron nain 14,” katak nia.

Nia informa, ho baze ba informasaun neebe disponivel, ekipa konjunta saude halo fali revizaun ba foku propagasaun/cluster iha Munisipiu Dili.

Nia afirma, suku sai nuudar area geografika neebe uza hanesan baze atu haree ligasaun entre kazu, no ligasaun ho expozisaun ba fonte infesaun.

Nunee mos foku propagasaun/cluster iha Dili, hetan revizaun hanesan tuir mai. Ho nunee iha Munisipiu Dili hamutuk hotu iha cluster 23.

Aleinde nee mos dadus jeral Timor Leste detetadu kazu foun iha loron 14 fulan Abril tinan 2021, total kazu 17 no kazu nee iha Dili hotu.

Ohin kazu rekoperadu iha loron 14 fulan Abril tinan 2021 hamutuk nain 14, nomos kazu ativu iha iha sala izolamentu hamutuk nain 547 nee husi total kazu ohin nian, maibe kazu ohin iha mane 10 no feto 7. Depois husi total kazu detetadu foun ohin, sintomatiku 3 no asintomatiku hamutuk nain 14.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: