MS Distribui AstraZeneca Ba Munisipiu

Ministeriu Saude (MS) distribui vasina AstraZeneca ba Covid-19 ba Munisipiu 6, hanesan Ainaro, Bobonaro, Baucau, Lautem, Liquica, nomos Covalima. (Foto: Media Palacio das Cinzas)

DILI, STLNEWS.co – Ministeriu Saude (MS) distribui vasina AstraZeneca ba Covid-19 ba Munisipiu 6, hanesan Ainaro, Bobonaro, Baucau, Lautem, Liquica, nomos Covalima.

Haktuir Ministra Saude (MS) Odete Maria Freitas Belo ba jornalista sira wainhira halo lansamentu distribuisaun AstraZeneca ba Munisipiu sira iha SAMES, Kinta (08/04/2021).

“Ita hahu distribui ona AztraZeneca ba munisipiu sira, tanba vasina Covid-19 iha diferensa ho vasina sira seluk, neebe durante nee ita disribui hela, ita tau iha temperature grau celsiu 2 too 8,” hatete Odete.

Nia dehan, husu ba kondoutor sira halai ho velosidade neneik, tanba situasaun inundasaun ho kompletu tuir numeru kontidade neebe governu fahe ona, tanba nee tenke lao ho velosidade neebe neneik.

Iha fatin hanesan, Diretor Ezekutivu SAMES, Santana Martins dehan, distribuisaun vasinasaun doses ba iha servisu Saude Munisipiu sira atu halo atende uluk lai ba frontline sira, hanesan profesional saude sira.

Nia afirma, tuir tabela distribuisaun husi SAMES ba AstraZeneca doses 24, 000 nee mak hanesan, Munisipiu Aileu hetan doses 590, Ainaro 690, Baucau 1.730, Bobonaro 1.080, Covalima 920, Dili 13.190, Ermera 900, Lautem 740, Liquica 620, Manantuto 590, Manufahi 680, Viequeque 910, no RAEOA 1.360.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here