Munisipiu Viqueque Deteta Tan Kazu Foun 2

Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo. (Foto: STL)

DILI, STLNEWS.co – Kazu foun neebe ohin deteta tan iha munisipiu Viqueque nain 2, hamutuk hotu ho kazu iha Viqueque nain 10.

“Iha munisipiu Viqueque ohin deteta tan kazu foun nain 2, hamutuk hotu iha munisipiu Viqueque kazu nain 10, sura husi loron 15 fulan Marsu too mai ohin loron,” dehan Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo ba jornalista sira iha CCD liu husi Zoom Call, Tersa lokraik (23/03/2021).

Nia informa, kazu foun ohin 2 nee sira hela iha aldeia uma-ana-iku Suku Ossu Desima, Postu Administrativu Ossu.

“Kazu konfirmadu hirak nee kontaktu besik ho kazu neebe detetadu iha fatin hanesan, iha Suku Ossu Desima hahu iha loron 15 fulan Marsu,” informa nia.

Nia dehan, ho nunee kazu detetadu iha nunisipiu Viqueque hamutuk nain 10 hodi fahe ba cluster 3 mak hanesan, cluster iha Aldeia Lari Suku Afaloicai Uatulari, kazu nee detetadu kazu 1 iha loron 15 fulan Marsu too agora sei laiha tan kazu foun, cluster iha Aldeia Umaneiku Suku Ossu desima hahu deteta iha loron 15 fulan Marsu, ho tan kazu ida ohin aumenta tan kazu hamutuk kazu 3, cluster iha Aldeia Mamulak suku Caraubalu iha Viqueque deteta iha loron 18 no loron 21 aumenta 2, too loron 22 aumenta kazu 4.

“Total kazu hamutuk iha Munisipiu Viqueque hamutuk nain 10,” nia afirma.*

Reportajen: Natalina Lopes
Editor: Crisogono Magalhães

LEAVE A REPLY

Please enter your comment!
Please enter your name here