Ohin Rejistu Tan Kazu Pozitivu Covid-19 Nain 239

DILI, STLNEWS.co – Ohin loron 14 fulan Maiu tinan nee, kazu konfirmadu pozitivu Covid-19 rejistu hamutuk nain 239. Husi numeru nee iha Munisipiu Dili nain 198, nomos husi munisipiu seluk neebe pozitivu Covid-19 hamutuk nain 41. Hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku liu husi konferensia Imprensa, Sesta (14/05/2021).

“Kazu detetadu foun neebe relata iha loron 14 fulan Maiu tinan nee, total hamutuk hotu nain 239 maibe husi numeru nee iha Munisipiu Dili nain 198, nomos iha munisipiu neebe ita detekta nee iha nain 41,” hatete Rui.

Nia esplika tan, husi total kazu detetadu foun ohin mane 174 no feto 65. Husi total kazu detetadu foun ohin, ho idade tinan <12: 5, ho idade entre tinan 12 – 59 nain 218 (91,2%), ho idade >60: 16 (6,6%. Horiseik dia 13 de Maiu, 7,9%).

Nia dehan, husi total kazu detetadu foun ohin, proporsaun kazu sintomatiku hamutuk 10,8% (horiseik, dia 13 de Maiu 22,9%). Nomos husi 239 kazus detetadu ohin, 77 husi kadeia Becora. Hamutuk hotu husi horiseik mai ohin, iha Kadeia Becora deteta kazu pozitivu 220 husi populasaun prisional 557 (taxa de atake 39,5%).

Aleinde nee, hahu husi horiseik mai ohin loron 14 de Maiu, hamutuk hotu Laboratóriu Nasional Saude halo 931 testes PCR iha Dili, ho detalles hanesan tuir mai vijilánsia sentinela 75, rastreiu ba kontaktu (contact tracing) 76, rastreiu aleatoriu (random screening) 28, viajen sai husi serka sanitaria munisipiu Dili 336, viajen internasional 141, follow up iha kuarentena 19.

Total testes PCR neebe halo horiseik loron 13 Maiu iha Munisipiu sira seluk, REAOA no HNGV, hamutuk 531, ho detalle hanesan Baucau 90, Ermera 45, Maliana 53, Maubisse 174, RAEOA 0 (zero), Suai 49, Viqueque 36, no HNGV 84.

Entretantu total kazu konfirmadu kumulativu iha loron 14 fulan Maiu, sura husi 21 Marsu tinan 2020 hamutuk 4.118. Maibe kazu rekoperadu neebe ralata iha 14 fulan Maiu tinan nee iha 86, nomos total kazu ativu ohin loron iha sala izolamemtu 1.968.*

Reportajen: Natalina Lopes

Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: