Ohin Rejistu Tan Pozitivu 133

DILI, STLNEWS.co – Ohin loron 5 fulan Maiu tinan 2021, kazu konfirmadu pozitivu Covid-19 rejistu hamutuk nain 133, husi numeru nee iha Munisipiu Dili nain 109, nomos husi munisipiu seluk neebe pozitivu covid-19 hamutuk nain 24.

“Kazu detetadu foun neebe relata iha loron 5 fulan maiu tinan nee hamutuk hotu nain 133, maibe husi numeru nee iha munisipiu Dili nain 109, nomos iha munisipiu neebe ita detekta nee iha nain 24,” informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku liu husi konferensia imprensa Kuarta (05/05/2021) nee.

Nia dehan, husi kazu detetadu foun nee iha mane nain 74 no feto 59. Husi total kazu detetadu foun ohin, hirak ho idade tinan 12 nain 3, ho idade entre tinan 12-59 nain 127 (95,4%), ho idade >60 nain 3.

Nia esplika tan, husi total kazu detetadu foun ohin, proporsaun kazu sintomatiku hamutuk 21,8%. Proporsaun kazu sintomátiku durante loron 7 nia laran, aumenta husi mediana 8,8% iha semana 2 liu ba, ba mediana 15,1% ohin. Ida nee hatudu tendensia atu surtu Covid-19 iha Timor-Leste avansa ba modelu ho predominánsia iha kazu sintomatiku. Sintomatiku nain 5, asintomátiku nain 94 (94,9%).

Aleinde nee, hahu husi horiseik mai ohin, hamutuk hotu Laboratoriu Nasional Saude halo 1.160 teste PCR, i husi vijilansia sentinela 34, rastreiu ba kontaktu (contact tracing) 94, rastreiu aleatoriu (random screening) 571, viajen sai husi serka sanitaria munisipiu Dili 459, viajen internasional 2, follow up iha kuarentena zero (0).

Depois, total testes PCR neebe halo horiseik loron 4 fulan Maiu iha munisipiu sira seluk hamutuk 432, ho detalle hanesan tuir mai Baucau 163, Ermera 33, Maliana 24, Maubisse 112, RAEOA 6, Suai 22, Viqueque 72, nunee mos teste follow up ba sira
iha fatin izolamentu 66 (27 negativu ona, 39 sei nafatin pozitivu).

Entretantu total kazu konfirmadu kumulativu iha loron 5 Maiu, sura husi 21 Marsu tinan 2020 hamutuk 2.786. Maibe kazu rekoperadu neebe relata iha loron 5 fulan Maiu tinan nee iha 34, nomos total kazu ativu iha sala izolamentu 1.414.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: