Ohin Rejistu Tan Pozitivu Nain 84

DILI, STLNEWS.co – Ohin loron 6 fulan Maiu tinan nee kazu konfirmadu pozitivu Covid-19 rejistu hamutuk nain 84, husi numeru nee iha Munisipiu Dili nain 65, munisipiu seluk neebe pozitivu Covid-19 hamutuk nain 19. Hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku liu husi konferensia imprensa, Kinta (06/05/2021) nee.

“Kazu detetadu foun neebe relata iha loron 6 fulan Maiu tinan nee hamutuk hotu nain 84 maibe husi numeru nee iha munisipiu Dili nain 65, nomos iha munisipiu neebe ita detekta nee iha nain 19,” dehan Rui.

Nia dehan, husi kazu detetadu foun nee iha mane nain 54 no feto nain 30. Husi total kazu detetadu foun ohin, ho idade tinan <12 nain 3, ho idade entre tinan 12-59 nain 80 (95,2%); ho idade >60 nain 1.

Aleinde nee, hahu husi horseik mai ohin iha loron 6 fulan Maiu hamutuk hotu Laboratoriu Nasional Saude halo 1.102 teste PCR, i husi vijilansia sentinela 53, rastreiu ba kontaktu (contact tracing) 94, rastreiu aleatoriu (random screening) 116, viajen sai husi serka sanitaria munisipiu Dili 483, viajen internasional 45, follow up iha kuarentena 44.

Depois, total testes PCR neebe halo horiseik loron 5 fulan Maiu iha Munisipiu sira seluk hamutuk 336, ho detalle hanesan Baucau 162, Ermera ohin laiha kazu foun, Maliana 15, Maubisse 136, RAEOA ohin laiha kazu foun, Suai 33, Viqueque ohin laiha kazu foun. Entretantu total kazu konfirmadu kumulativu iha loron 6 Maiu, sura husi 21 Marsu tinan 2020 hamutuk 2.870.

Kazu rekoperadu neebe relata iha 06 fulan Maiu tinan nee iha 81, nomos total kazu ativu iha loron 6 fulan Maiu iha sala izolamemtu 1.417.*

Reportajen: Natalina Lopes

Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: