Ohin Rejistu Tan Pozitivu Nain 99

DILI, STLNEWS.co – Ohin loron 27 fulan Abril tinan nee, kazu konfirmadu pozitivu Covid-19 rejistu hamutuk nain 99. Husi numeru nee iha Munisipiu Dili nain 58, nomos munisipiu seluk neebe pozitivu covid-19 hamutuk nain 41.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku liu husi Konferensia Imprensa Kuarta (27/04/2021).

“Kazu detetadu foun neebe relata iha loron 26 Abril tinan nee hamutuk hotu nain 99 maibe husi numeru nee iha munisipiu Dili nain 58 nomos iha munisipiu neebe ita detekta nee iha nain 41,” hatete Rui.

Nia dehan, husi kazu detetadu foun nee iha mane nain 50 no feto 49, sintomatiku nain 5, asintomátiku nain 94 (94,9%). Husi kazu detekta foun nee iha 36 (69,2,1%) mak deteta tanba halo teste ho razaun atu halo viajen/ka halo ona viajen ba munispiu hafoin deteta pozitivu Covid-19.

Aleinde nee hahu husi horiseik mai ohin, hamutuk hotu Laboratóriu Nasional Saude halo 958 testes, vijilansia sentinela 141, rastreiu ba kontaktu (contact tracing) 27, rastreiu aleatoriu (random screening)198, viajen sai husi serka sanitária Munisipiu Dili 568, viajen internasional 22, follow up iha kuarentena 2.

Nia informa tan, husi horiseik mai ohin, testes PCR neebe halo iha Munisipiu sira seluk total 312, ho detalle hanesan tuir mai, Maubisse 94, Maliana 15, Viqueque 46, Suai 84, Baucau 73.

Teste follow up ba sira iha fatin izolamentu 101 (76 negativu ona, 25 sei nafatin). Entretantu total kazu konfirmadu kumulativu sura husi 21 Marsu tinan 2020 hamutuk 2.048. Maibe kazu rekuperadu neebe ralata iha 27 fulan Abril tinan nee iha 76, nomos total kazu ativu iha sala izolamemtu 1.073.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: