Ohin Rekoperadu 47, Dili Pozitivu 66

DILI, STLNEWS.co – Ohin loron 29 fulan Abril tinan nee kazu konfirmadu pozitivu Covid-19 rejistu hamutuk nain 66 no kazu rekoperadu ohin loron nian hamutuk 47. Husi numeru pozitivu iha Munisipiu Dili hotu kedas.

“Kazu detetadu foun neebe relata iha loron 29 Abril tinan nee hamutuk hotu nain 66, husi numeru nee iha Munisipiu Dili 66 hotu kedas, kazu rekuperadu ohin loron hamutuk 47,” hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku liu husi Konferensia Imprensa, Kinta (29/04/2021).

Nia dehan, husi kazu detetadu foun nee iha mane nain 42, no feto 24, sintomatiku nain 10, asintomátiku nain 56 (84,8%). Nomos husi kazu detekta foun nee iha 31 (46,9%) mak deteta tanba halo teste ho razaun atu halo viajen/ka halo ona viajen ba munispiu no estranjeiru mak hafoin deteta pozitivu Covid-19.

Aleinde nee hahu husi horiseik mai ohin, hamutuk hotu Laboratoriu Nasional Saude halo 952 testes PCR iha Dili, vijilansia sentinela 34, rastreiu ba kontaktu (Contact tracing) 112, rastreiu aleatoriu (random screening) 236, viajen sai husi serka sanitaria munisipiu Dili 475, viajen internasional 33, follow up iha kuarentena 62.

Nunee total testes PCR neebe halo horiseik dia 28 de Abril iha Munisipiu sira seluk hamutuk 374, ho detalle hanesan tuir mai, Maubisse 115, Maliana 50, Viqueque 63, Suai 63, Baucau 115.

Entertantu total kazu konfirmadu kumulativu iha loron 29 fulan Abril tinan 2021, i sura husi 21 Marsu tinan 2020 hamutuk 2.190. Nomos total kazu ativu ohin iha sala izolamentu 1.123.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: