Ohin Rezistu Tan Kazu Foun 26

Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo. (Foto: STL/Jeniche da Costa)

DILI, STLNEWS.co – Ohin loron 27 fulan Marsu liu husi Centro Integradu Gestão de Crises, Sala Situação (CIGC-SS) fo sai katak, Munisipiu Dili rezistu tan kazu konfrimadu Covid-19 foun 26.

“Ohin iha Munisipiu Dili ita iha kazu foun nain 26,” haktuir Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS) Rui Maria de Araújo ba jornalista sira liu husi zoom call iha CCD, Sabadu (27/03/2021).

Nia dehan, tanba nee kazu detetadu ka pozitivu iha Munisipiu Dili husi loron 7 de Marsu too ohin 27 de Marsu hamutuk hotu nain 318, baze ba informasaun neebe ekipa konjunta saude nian rekolla, foku/cluster kazu pozitivu iha Dili, hetan revizaun hanesan.

Nia esplika, kazu detetadu 318 iha Dili nee fahe ba cluster 52, neebe namkari iha instituisaun 4, eventu 1, fatin kuarentena 2, no suku 16, iha Postu Administrativu Dom Aleixo, Vera Cruz, Nain Feto no Cristo Rei. Tanba nee husi cluster 52 nee iha cluster 20 mak semana 1 nia laran, laiha kazu foun.

Nia infroma, kazu foun aumenta iha Munisipiu Dili no Baucau hamutuk nain 28, nomos kazu rekoperadu nian 2, no kazu neebe ativu iha sala izolamentu hamutuk nain 324, husi kazu foun iha 28 ohin, iha mane nain 15, feto nain 13.

Nia tenik, iha nain 4 maka sintomátiku-lijeiru, no nain 24 mak asintomatiku 24, husi horisehik mai ohin hamutuk hotu LNS halo 611 testes PCR, inklui ona iha laran 252 neebe mai husi pedidu autorizasaun esepsional atu sai husi serka sanitaria iha Munisipiu Dili. Nia Informa, pedidu autorizasaun esepsional atu sai husi no tama mai serka sanitaria iha Munisipiu Dili, horisehik dia 26 de Marsu, hamutuk hotu 130 Sekretariadu CIGC responde hotu kedas, maibe 75 pedidus deit maka prienxe kriteriu tuir resolusaun Governu.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here