Ohin SIJK Rejistu Kazu Foun 179

DILI, STLNEWS.co – Ohin loron 24 fulan Maiu 2021, Centro Integrado Gestão de Crises, Sala Situação (CIGC-SS) ohin rejistu kazu foun hamutuk 179, iha Dili 151 no iha munisipiu seluk iha nain 28.

“Sentru Integradu Jestaun Krize (SIJK) detetatu kazu foun neebe relata ohin dia 24 de Maiu de 2021, hamutuk nain 179, iha Dili 151, no iha Munisipiu seluk 28. Husi total kazu detetadu foun ohin iha mane 78, no feto 101,” lia hirak nee hatoo husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku, Sesta (20/05/2021) lokraik nee liu husi nota konferensia Imprensa, Segunda (24/05/2021).

Nia informa, husi total kazu detetadu foun ohin, hirak ho idade tinan 12 nain 7, ho idade entre tinan 12 too 59 nain 168 (93,8%), nomos ho idade 60 nain 4. Husi total kazu detetadu foun ohin, proporsaun kazu sintomátiku hamutuk 10%.

Nunee mos husi horiseik mai ohin, loron 24 fulan Maiu, hamutuk hotu Laboratoriu Nasional Saude halo 726 testes PCR iha Dili, ho detalles hanesan iha vijilánsia sentinela nain 53, rastreiu ba kontaktu (contact tracing) 102, rastreiu aleatoriu (random screening) 126, viajen sai husi serka sanitaria munisipiu Dili 416, Viajen internasionál 19, follow up iha kuarentena 10.

Total testes PCR neebe halo horiseik loron 23 de Maiu iha munisipiu sira seluk inklui REAOA ho HNGV hamutuk 418, ho detalle hanesan Baucau nain 84, Ermera 59, Maliana 48, Maubisse 8, RAEOA ohin laiha kazu foun, Suai 179, Viqueque 27, no HNGV 104.

Nia esplika, total kazu ativu ohin loron 24 fulan Maiu 2021 hamutuk nain 2601. No total kazu konfirmadu kumulativu iha 24 loron Maiu 2021 neebe sura husi 21 Marsu 2020 hamutuk 5.816. No kazu rekuperadu neebe ralata ohin, iha loron 24 fulan Maiu tinan 2021 hamutuk nain 120.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: