Pasiente Covid-19 Ida Mate Tan Iha Izolamentu VC

DILI, STLNEWS.co – Iha loron 22 fulan Maiu kalan maizumenus tuku 20:00 OTL, pasiente Covid-19 ida ho inisial FG ho idade 73 hakotu iis iha izolamentu Vera Cruz.

Informa Koordenador Pillar VII, Nilton do Carmo da Silva ba STL liu husi telefone, Sabado (22/05/2021).

Nia dehan, matebian FG neebe hakotu ona iis iha sala izolamentu Vera Cruz iha tuku 20:00 OTL kalan nee , matebian husi Munisipiu Bobonaro, Postu Administrativu Cailaku, Suku Manapa, i oras nee dadaun mate isin sei tau hela iha sala izolamentu, hein desizaun husi SIJK, tanba hakohi nee tuir protokolu neebe iha.

“Pasiente nee halot iha fatin neebe familia determina, hanesan sira seluk, maibe ita tenke tuir protokolu neebe iha, tanba pasiente mate ho positivu Covid-19,” nia dehan.

Iha fatin seluk, fontes konfirmadu informa, matebian ho inisial FG hakotu iis duni iha sala izolamentu Vera cruz, maibe antese nee pasiente halo tratamentu uluk iha Hopistal Nasional Guido Valadares (HNGV) depos tuir suap rejultadu positivu Covid-19, tanba HNGV evakua kedas pasiente mai iha izolametu Vera Cruz i hakotu duni ona iis.

“Los dunik ferik ida mate tan iha izolamentu Vera Cruz,” esplika Pesoal Saude neebe lakohi temi naran nee.

Nia afirma, tuir informasaun katak, matebian FG nee moras iha uma, entaun familia deside ba halo tratramentu saude iha Hospitál Nasional Guidu Valadares (HNGV), depois pasiente nee swab PCR katak konfirmadu positivu Covid-19, tanba nee ekipa vijilansia saude evakua kedas ba izolamentu Vera Cruz hodi kontinua tratamentu saude, maibe iha Sabadu kalan pasiente nee remata ona nia vida, i oras nee dadaun familia matebian sei halao negosiasaun ho parte SIJK, atu halao nia funeravel, maibe tenke tuir protokolu Ministeriu Saude no OMS nian.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: