Pasiente Covid-19 Ida Tan Hakotu Iis Iha Izolamentu Vera Cruz

DILI, STLNEWS.co – Fernando do Rego hetan asidente iha loron 27 Abril, tama iha emerjensia HNGV ho diagnostiku severe head injury, familia husu lori fila ba uma, maibe iha loron 29 fulan Abril tama fali iha HNGV departamentu emerjensia, depois teste PCR hetan pozitivu lori kedas ba izolamentu Vera Cruz no ohin hakotu iis. Kestaun nee informa husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS), Rui Maria de Araújo ba publiku liu husi nota konferensia imprensa iha CCD, Domingo (02/05/2021).

Nia esplika, ohin iha kazu sirurjia nain 1, tanba ho asidente tranzitu, no iha ‘’severe head injury’’ no detetadu pozitivu SARS-Cov-2, ohin 2 de Maiu de 2021 tuku 07h29 dader, hakotu-iis iha izolamentu Vera Cruz.

“Pasiente Covid-19 nain ida ohin hakotu iis iha izolamentu Vera Cruz, ho idade 28, depois iha loron 27 Abril tinan 2021, tama iha departamentu emerjensia HNGV ho diagnostiku ‘’severe head injury’’, hafoin asidente tranzitu. Iha loron nee kedas familia husu lori fila ba uma, depois iha loron 29 de Abril 2021, tama fali iha departamentu emerjénsia HNGV ho nivel konsiensia reduzida (Glasgow Coma Scale: 6). Iha exame diagnostiku ho CT scan hatudu, Difuse Axional Injury no Edema Cerebri, ida nee rezultadu husi trauma iha ulun wainhira hetan asidente tranzitu loron 27 Abril liu bá. Teste PCR hatudu rezultadu pozitivu ho CT: N2 gene 20.6; E gene 20.4,” nia tenik.

Nia informa tan, husi 29 Abril kalan too ohin dader, hetan tratamentu tuir prosedimentu ba ‘’severe head injury’’ iha fatin izolamentu Vera Cruz, atu prevene labele daet tutan virus SARS-CoV-2 ba pasiente sira seluk iha HNGV. Nia hatutan tan, hafoin iis kotu, teste PCR post-mortem nafatin hatudu SARS-COV-2 pozitivu ho CT N2 gene 24.1, E gene 22.4. Nia informa, ekipa konjunta saude sei hein dezisaun husi familia atu halo’ot mate-isin iha fatin preferensia familia nian, tuir regras neebe determina ona.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Seminarista Balide Agradese Xanana & Timor Oan iha Estranjeiru

DILI, STLNEWS.co - Seminarista sira husi Eskola Seminariu Nossa Senhora Fatima (SENOFA) Balide, Dili, agradese ba domin boot husi Lider Istóriku Kay Rala Xanana...

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....
%d bloggers like this: