Pasiente Covid-19 Mate Tanba Moras Komplikadu

Ohin loron Timor-Leste (TL) rezista ona kazu pozitivu Covid-19 mate ida, ho idade 44 neebe oras nee transporta ona ba iha Metinaro. Haktuir Koordenador Pilar 7, Nilton do Carmo da Silva ba jornalista sira iha Hospital Lahane, Tersa (06/04/2021). (Foto: STL)

DILI, STLNEWS.co – Ohin loron Timor-Leste (TL) rezista ona kazu pozitivu Covid-19 mate ida, ho idade 44 neebe oras nee transporta ona ba iha Metinaro. Haktuir Koordenador Pilar 7, Nilton do Carmo da Silva ba jornalista sira iha Hospital Lahane, Tersa (06/04/2021).

“Ohin 6 de Abril tinan 2021, ita Timor Leste rezista kazu mate ida ba Covid-19,” Nilton esplika.

Nia dehan, pasiente pozitivu feto idade 44 anos, halo teste swap iha 23 Marsu no lori ba sala izolamentu Tasi-Tolu.

“Ita halo observasaun no profesional saude sira mos fo atendementu diak ba pasiente refere, nomos iha loron 4 lokraik nee komesa hamosu sintomas, entaun ita nia kolega sira fo atendementu tuir kazu neebe tizeiru,” nia dehan.

Nia esplika, ba pasiente Covid-19 neebe iha izolamentu laiha mudansa too mai ohin, maibe halo transferensia pasiente sira iha izolamentu muda mai iha Lahane, tanba impaktu inundasaun neebe Timor Leste hasoru.

“Maibe pasiente Covid-19 mai nee ho kondisaun neebe grave, hanesan ita haree pasiente nia istoria tratamentu ba moras gagal ginjal kronis,” nia informa.

Tanba nee profesional saude sira fo tratamentu neebe tuir ninia istoria moras neebe mak iha, maibe ohin tuku 07:00 pasiente nee hakotu nia is.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here