Pasiente Ida Ohin Hakotu Iis Iha Izolamentu Vera Cruz

DILI, STLNEWS.co – Total kazu obitu neebe ohin relata iha loron 19 fulan Maiu 2021, pasiente mane ida ho idade 60, hakotu iis iha Izolamentu Vera Cruz.

Lia hirak nee hatoo husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo, liu husi nota konferensia imprensa, Kuarta (19/05/2021).

Nia esplika, mane ida ho idade 60 nuudar Timor oan, moras durante semana 1 iha uma, depois lori ba HNGV iha dia 18 Maiu tanba iis boot makas, diagnostikadu ho sindroma insufisiensia respiratória aguda (SIRA), ka susar no defisil atu dada iis no deteta mos SARS-CoV-2 ho Cycle Threshold (CT) N gene 26,6, E gene 25,1.

“Matebian iha istoria tuberkuloze ho mos diabetes neebe la kontroladu, depois hahu kedas dia 18 de Maiu, halo tratamentu iha fatin izolamentu Vera Cruz ho oksijeniu liu husi Continuous Positive Airway Pressure (CPAP) iha ICU, maibe ohin dader 09:45 OTL iis kotu, tanba fallansu respiratoriu (respiratoric failure) ho multiple organ failure,” tenik nia.

Nia informa tan, familia koordena ona ho ekipa CIGC-SS atu halo halao funeral tuir protokolu neebe iha ona.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: