Pozitivu Covid-19 Nain 3 Husi HNGV

Vise Koordenadora Forsa Tarefa ba Prevensaun no Mitigasaun surtu Covid-19, Odete da Silva Viegas. (Foto: STL/Jeniche da Costa)

DILI, STLNEWS.co – Ekipa Konjunta Saude halo ona mos restreiu ba Hospital Nasional Guido Valadares (HNGV) detekta ona ema nain tolu, labarik nain rua no professional saude nain ida, pozitivu Covid-19.

“Ita iha duni professional saude ida maka dadaun nee nia teste positive Covid-19, ho ninia oan nain rua,” hatete Vise Koordenadora Forsa Tarefa ba Prevensaun no Mitigasaun surtu Covid-19 iha TL SIJK, Odete da Silva Viegas ba jornalista sira liu husi Konferensia Imprensa, neebe halao iha Sala Situasaun SIJK, CCD, Tersa (09/03/2021).

Nia dehan, profesional saude nee servisu iha Hospital Nasional Guido Valadares (HNGV) maibe nia hadaet liu husi nia laen kaben, entaun ninia ona oan mos positive, tanba nee mai husi nia laen kaben, neebe mak hetan mos positive Covid-19.

“Ita detekta ema nian haat mak positive mai husi familia ida, oras nee dadadaun iha ona kuarentena,” nia dehan.

Odete esplika, hanesan fo ezemplu ba membru governu balun neebe teste ona maibe negativu, fo hanoin ba sira katak, depois de sira negative fila ba uma no hakmatek, labele sai lai, depois 5 ka 7 dias, ekipa vijilansia sei ba foti teste dala ida tan, sei negative entaun sira bele halao fali aktividade.

“Ida nee mak ami hatoo membru governu, situasaun ida nee mak lao, ita atu haree moos ba teste ba sira ne, ita tenke haree prioridade liu ba ema neebe kontaktu liu ho ema nebee positivu nee ga lae, sei nia kontaktu direita entaun nian sai risku boot, sei nia la kontaktu direita nia besik deit ou fo fali ba ema seluk, entaun, ida nee laos risku, para ita atu contain ema sira nee tama hotu ba kuarentuina,” nia esplika.

Nia infroma, virus nee eziste iha fatin neebe deit, nia bele konaba ema se deit, tanba nee husu konsensia husi populasaun hotu atu hakmatek.

Odete husu ba populasaun sira tenke iha konsensia ba hotu-hotu nian atu bele kolabora, tanba governu ka estadu halo ona nia knaar, maibe husu populasaun sira nia papel mak kontribui no kolabora.

Iha fatin ketak, Xefe Gabinete Kontrolu Kualidade no Komunikasaun Sosial, iha Hospital Nasional Guido Valadares (HNGV), Sara Maria Freitas Xavier dehan, Hopsital Nasional Guido Valadares (HNGV) aktiva fila-fali triajen iha 26 Fevereiru 2021 ate agora total pasiente neebe mak halo restreiu hamutuk 2964.

“Husi numeru ida nee ita suspeita nain 10, ita halo izolamentu temporaria HNGV nian, hodi hein parte husi ekipa Vijilansia no Laboratorium Nasional hodi mai halo suap teste ba sira,” nia afirma.

Nia informa, relasaun ho kazu Covd-19 foun nee mak aumetan, HNGV husu ba vizitor sira nebe mak mai HNGV, presiza atu kumpri nafatin medida preventiva, nebee mak fo sai husi Ministeriu Saude, liu husi maskra, fase liman, no mantein distansia fiziku, depois redus numeru vizitor mai iha HNGV. *

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here