Rui: Primeira Ves Kazu Covid-19 Aas

DILI, STLNEWS.co – Ohin loron 26 fulan Maiu, liu husi Centro Integrado Gestão de Crises, Sala Situação (CIGC-SS), primeira ves rejistu tan kazu foun hamutuk nain 231.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba jornalista sira liu husi nota konferensia imprensa, Kuarta (26/05/2021).

“Ohin ita detekta tan kazu foun Covid-19 pozitivu iha nain 231, husi numeru nee Dili 215, iha munisipiu seluk iha nain 16. Ida nee foin primeira ves kazu foun iha Dili, iha loron ida nia laran aas hanesan nee,” hatete Rui.

Nia dehan, husi total kazu foun nee iha mane 114, no feto nain 117, husi numeru nee hirak ho idade tinan 12 nain 3, nomos ho idade entre tinan 12 too 59 nain 225, maibe iha mos ema ho idade 60 iha 6, sira nee hotu kazu sintomatiku hamutuk 11,6%.

Aleinde nee, iha loron rua nia laran Laboratoriu Nasional Saude halo teste PCR 1.283 ida nee Dili nian, iha vijilansia sentinela 13, rastreiu ba kontaktu (contact tracing) 87, rastreiu aleatoriu (random screening) 215, viajen sai husi serka sanitaria munisipiu Dili 819.

Iha mos viajen internasional 122, follow up iha kuarentena 27, total testes PCR neebe halo horisehik dia 25 de Maiu iha munisipiu sira seluk nee hamutuk 603, hanesan munisipiu Baucau 120, Ermera 15, Maliana 61, Maubisse 85, RAEOA 16, Suai 129, Viqueque 34, no HNGV 143.

Entretantu total kazu konfirmadu kumulativu iha 26 de Maiu 2021 sura husi 21 Marsu 2020 nee 6.245, no kazu aktivu neebe sei iha sala izolamentu 2.739, maibe iha mos kazu rekuperadu nain 158.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: