SIJK Baucau Deteta Tan Pozitivu 2

BAUCAU, STLNEWS.co – Sentru Integradu Jestaun Krize (SIJK) Munisipiu Baucau durante oras rua nolu resin hat deteta tan sidadaun nain rua, feto ida no mane ida pozitivu Covid-19.

Koordenador tekniku Sentru Integradu Jestaun Krize Baucau, Salesiano Pinto Fernades ba jornalista Segunda (31/05/2021) hatete, sidadaun nain rua neebe mak pozitivu Covid-19 mane ida mai husi area afetadu no ida seluk feto halo kontaktu besik pasiente Covid-19 neebe anunsia liu ba.

Salesiano afirma, sidadaun nain rua neebe mak deteta pozitivu Covid-19 ekipa SIJK evakua ona ba sala izolamentu eis ospital tirilolo no dadaun nee total kazu ativu iha izolamentu no auto izolamentu hamutuk ema nain neen nulu (60).

“Iha oras rua nulu resin rua ita deteta tan ema nain rua feto ida mane ida, sidadaun nee mai husi Dili no ida fali kontaktu besik kazu neebe mak ita anunsiu liu ba no foti mai iha izolamentu kazu ativu neebe iha izolamentu hamutuk neen nulu, inklui auto izolamentu ida Quelicai kontaktu besik ho sidadaun neebe mai husi Dili nian pozitivu, maibe ita tula tiha ona mai iha izolamentu,” tenik Salesiano.

Nia hatutan, ho kazu pozitivu Covid-19 neebe kada loron aumenta iha munisipiu Baucau nia konsidera iha ona transmisaun komunitaria tanba iha fulan kotuk wainhira deteta sidadaun balun obriga nia uma hela fatin taka tanba pozitivu covid-19.

Kazu akumulativu pozitivu Covid-19 hahu husi fulan Marsu too loron tolu nulu fulan Maiu hamutuk atus rua neen nolu resin hitu (267).*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: