SIJK Kontinua Rejistu Tan Kazu 172

DILI, STLNEWS.co – Ohin loron Sesta, 21 fulan Maiu 2021, Centro Integrado Gestão de Crises, Sala Situação (CIGC-SS) kontinua rejistu kazu pozitivu Covid-19 hamutuk nain 172.

Kestaun nee hatoo husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku Sesta lokraik liu husi nota konferensia imprensa (21/05/2021).

Nia dehan, kazu konfirmadu pozitivu Covid-19 hamutuk nain 172, husi numeru nee Munisipiu Dili nain 155, no munisipiu sira seluk iha 17.

“Husi kazu foun nee Ita iha
mane nain 106, no feto nain 66, husi sira nee iha idade 12 nee iha nain ida, maibe iha mos idade 12 too 59 nain 170, no ema ho idade 60 nee nain ida, pasiente hira nee iha sintomátiku hamutuk 2,3%,” nia esplika.

Aleinde nee, iha Laboratoriu Nasional Saude halo teste PCR 683 ida nee mesak Dili nian. Vijilansia sentinela 43, rastreiu ba kontaktu (contact tracing) 84, rastreiu aleatoriu (random screening) iha 24, sira nee viajen sai husi serka sanitaria Munisipiu Dili 480, nomos viajen internasional nain 4, nomos follow up iha kuarentena 48.

Nia informa mos, total testes PCR neebe halo Kinta dia 20 de Maiu iha munisipiu sira hanesan REAOA no HNGV hamutuk 533, munisipiu Ermera nain 42, Maliana 59, Maubisse 110, RAEOA 1, Suai 158, Viqueque 61, HNGV mesak 79.

Entretantu, total kazu ativu iha sala izolamemtu hamutuk 2.469, iha kazu rekoperadu nain 95, nunee mos kazu konfirmadu kumulativu iha 21 de Maiu tinan nee sura husi 21 Marsu 2020 5.287.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here