SIJK Munisipiu Baucau Detekta Tan Kazu Pozitivu Covid-19 Nain 5

BAUCAU, STLNEWS.co – Sentru Integradu Jestaun Krize (SIJK) Munisipiu Baucau, iha loron Kinta too mai Sesta semana nee, detekta kazu pozitivu Covid-19 nain lima (5) neebe mai husi area afeitadu.

Informasaun nee hatoo husi Koordenador Sentru Integradu Jestaun Krize Munisipiu Baucau, Salesiano Pinto Fernandes ba jornalista sira iha nia knaar fatin, Sesta (21/05/202).

Salesiano hateten, husi pasiente pozitivu nee mane nain hat no feto nain ida, enkuantu husi ema nain lima nee inklui profesional saude nain ida.

Nia hateten, profisional saude ho inisial NM ho idade rua nulu resin haat (24) neebe detetadu pozitivu Covid-19 hafoin halo ezaminasaun iha laboratorium horex Baucau, enkuantu profesional saude nee halo atendementu ba pasiente pozitivu iha Guest House Cores (Casa Cores).

“Horseik too ohin iha horas rua nulu resin hat nia laran, ita deteta kazu hamutuk nain lima, husi nain lima nee feto nain ida, mane nain haat inklui ita nia profesional saude ida neebe hein ita nia maluk sira pozitivu Covid-19 iha sala izolamentu, signifika katak iha kontaminasaun iha sala izolamentu Casa Cores, agora ita nia ekipa vijiliansia iha terrenu atu investiga no mos kazu neebe ohin anunsia ekipa agora iha terenu atu foti lori mai iha sala izolamentu,” dehan nia.

Salesiano hatutan, Kinta semana nee pasiente nain sanulu resin neen (16) mak rekoperadu, enkuantu nain sanulu (10) husi izolamentu no nain neen (6) seluk husi auto izolamentu.

Kazu aktual nebe mak ativu iha sala izolamentu Munisipiu Baucau hamutuk haat nulu resin tolu (43), inklui nain neen (6) neebe halo auto izolamentu iha uma.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: