SIJK Rejistu Tan Kazu Foun 48

DILI, STLNEWS.co – Centro Integrado Gestão de Crises, Sala Situação (CIGC-SS / SIJK) rejistu tan kazu konfirmadu positivu Covid-19 hamutuk nain 48. Husi numeru nee iha munisipiu nain 2 mos detekta positivu. Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku liu husi nota konferensia imprensa iha CCD, Domingo (02/05/2021).

“Ita detetadu tan kazu foun neebe relata iha dia 2 de Maio tinan nee iha nain 48, husi numeru nee Munisipiu Dili nain 46 nomos munisipiu iha nain rua,” hatete Rui.

Nia dehan, kazu positivu foun nee iha mane nain 32, nomos feto iha nain 16, maibe kazu flu nee iha idade tinan 12 mai kraik nain 1 nomos idade entre tinan 12 too 59 nain 45 (93,7%), idade tinan 60 ba leten iha nain 2.

Nia esplika, sira nee hotu iha asintomatiku 100%, maibe iha kazu foun nee nain 15 ba (31,2%) maka deteta pozitivu, tanba halo teste ho razaun atu halo viajen ba munispiu ka ba estranjeiru.

Aleinde nee iha dia 1 de Maiu no dia 2 de Maiu, hamutuk iha Laboratoriu Nasional Saúde neebe halo teste PCR nee iha 579, vijilansia sentinela 36, rastreiu ba kontaktu (contact tracing) 87. Depois rastreiu Aleatoriu (random screening) 137, nomos viajen sai husi serka sanitaria Munisipiu Dili 306 nunee mos viajen internasional 4, follow up iha kuarentena 9.

Nia afirma, total testes PCR neebe halo horiseik dia 1 de Maiu iha Munisipiu sira seluk hamutuk 257, hanesan Baucau 111, Ermera laiha, Maliana 19, Maubisse 124, RAEOA laiha, no hanesan mos Suai, Viqueque iha nain 3.

“Ita halo teste follow up ba sira iha fatin izolamentu 48, iha 24 negativu ona, 24 sei nafatin positivu,” informa Rui.

Entertantu kazu konfirmadu kumulativu iha 2 de Maiu tinan 2021 sura husi 21 Marsu 2020 iha 2.444, nomos kazu rekuperadu neebe ralata ohin, dia 2 de Maiu 2021 26, nunee mos kazu ativu neebe oras nee iha sala izolamemtu 1.260.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: