SIJK Rejistu Tan Kazu Foun 86

DILI, STLNEWS.co – Centro Integrado Gestão de Crises, Sala Situação (CIGC-SS / SIJK) rejistu tan kazu foun hamutuk nain 86. Hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku liu husi nota konferensia imprensa iha CCD, Sesta (30/04/2021).

“Kazu detetadu foun neebe relata iha loron 30 Abril nee hamutuk nain 86, husi numeru nee iha munisipiu Dili 77, nomos munisipiu seluk iha nain 9 mak ita detekta pozitivu Covid-19,” nia tenik.

Nia dehan, kazu detetadu foun nee iha mane 57, no feto nain 29, kazu foun ohin sintomatiku nain 11, asintomatiku nain 75 (87,2%). Tanba nee husi kazu detetadu foun ohin iha nain 22 ba (25,5%) maka deteta pozitivu tanba halo teste ho razaun atu halo viajen/ka halo ona viajen ba munispiu ka ba estranjeiru.

Aleinde nee loron 29 no loron 30 hamutuk iha Laboratoriu Nasional Saude halo teste PCR iha Dili hamutuk 1.294. Depois vijilansia sentinela 64, no rastreiu ba kontaktu (contact tracing) 151, rastreiu aleatoriu (random screening) 505, viajen sai husi serka sanitaria munisipiu Dili 513, nomos viajen internasional nain 36. Follow up iha kuarentena 25.

“Testes PCR neebe ita halo horiseik iha dia 28 de Abril iha munisipiu sira seluk hamutuk 411, husi Baucau 137, Maliana 45, Maubisse 106, Suai 24 nomos Viqueque 99,” nia tenik.

Nia afirma, teste follow up ba sira iha fatin izolamentu 75 (47 negativu ona, iha 28 sei nafatin pozitivu). Entretantu kazu konfirmadu kumulativu iha 30 de Abril tinan nee sura husi 21 Marsu tinan 2020 hamutuk 2.276. Depois kazu rekuperadu neebe ralata dia 30 de Abril tinan nee iha 47, nomos kazu ativu neebe sei izolamentu nian 1.162.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: