Transmisaun Lokal Munisipiu Seluk Seidauk Iha Evidensia

Foto: Espesial

DILI, STLNEWS.co – Konsellu Ministrus halao sorumutuk iha Palasiu Governu Sesta nee, analiza aprezentasaun husi responsavel sira Sala Situasaun Sentru Integradu Jestaun Krize (SIJK) nian, konaba rezultadu teste massal iha munisipiu Bobonaru-Suai, nunee seidauk identifika katak iha ona transmisaun lokal munisipiu seluk.

Tuir komunikadu media Gabineti Primeiro Ministro (GPM), haktuir katak dadus neebe Sala Situasaun Sentru Integradu Jestaun Krize (SIJK) aprezenta, iha ambitu teste massal neebe realiza ona konsege rekolla ba amostra sira hamutuk 2.648 iha Bobonaru, Covalima, no Rejiaun Administrativa Espesial Oecusse Ambeno (RAEOA), husi sira nee iha hitu (7) maka rezultadu pozitivu.

“Iha ambitu teste massal neebe realiza ona konsege rekolla ba amostra sira totall hamutuk 2.648 iha Bobonaro, Covalima, no iha Rejiaun Administrativa Espesial Oecusse Ambeno (RAEOA), husi sira nee iha hitu maka rezultadu pozitivu,” haktuir komunikadu Gabineti Primiero Ministro (GPM) neebe STL asesu iha Sesta (26/02/2021).

Kazu neebe ekipa vijilansia husi Ministeriu Saude nomos Sentru Integradu Jestaun Krize (SIJK) deteta, iha postu administrativu Fatumea, Munisipiu Covalima, no seidauk iha evidensia katak mos transmisaun lokal iha munisipiu seluk.

“Kazu hitu ida nee deteta iha postu administrativu Fatumea, Munisipiu Covalima, ho ida nee rejista ona transmisaun lokal ba dahuluk, maibe deteta ona orijen surtu nian no la iha evidensia katak sai ba fatin seluk.” haktuir komunikadu nee.

Reportajen: Ekipa STL

LEAVE A REPLY

Please enter your comment!
Please enter your name here