Update Covid-19 (02/06/2021): Kazu Pozitivu Foun 149

DILI, STLNEWS.co – Ohin loron 2 fulan Junnu tinan nee, Sentru Integradu Jestaun Krize (SIJK) rejistu tan kazu pozitivu hamutuk 149, iha Dili 132 no munisipiu 17.

Lia hirak nee hatoo husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Dr Rui Maria de Araújo, liu husi konferensia imprensa iha Kuarta (02/06/2021).

“SIJK deteta kazu foun neebe relata ohin loron 2 fulan Junnu hamutuk nain 149, iha Dili 132 nomos iha Munisipiu seluk nain 17. Husi total kazu detetadu foun ohin mane iha nain 81 no feto 68,” tenik nia.

Nia esplika, husi total kazu detetadu foun ohin nee ho idade tinan 12 nain 2, no idade entre tinan 12 too 59 nain 147 (98, 6%), depois ho idade 60 ohin zero. Depois husi kazu detetadu foun ohin nee iha kazu sintomatiku hamutuk 2,6℅.

Rui dehan, husi horiseik mai iha loron ohin, Laboratoriu Nasional Saude halo teste PCR ba ema hamutuk 141 iha Dili liu husi vijilansia sentinela nain 30, rastreiu ba kontaktu (contact tracing) nain 61, rastreiu aleatóriu (random screening) 408. Nomos viajen sai husi serka sanitaria Munisipiu Dili nee nain 559, viajen internasional nain 3, i halo follow up iha kuarentena nain 7.

Nunee mos, total testes PCR neebe halo horiseik fulan Junnu iha munisipiu sira seluk hamutuk inklui HNGV 629, iha munisipiu Baucau nain 72, Ermera 70, Maliana 57, Maubisse 174, RAEOA 2, Suai 40, Viqueque 27, no HNGV nain 18.

Entretantu, kazu ativu ohin loron 2 fulan Junnu hamutuk nain 2.602, nomos kazu konfirmadu kumulativu iha loron 2 fulan Junnu 2021, sura husi 21 Marsu 2020 hamutuk nain 7.310, no kazu rekoperadu ohin loron hamutuk nain 177.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: