Update Covid-19: Kazu Pozitivu Dili 126, Rekoperadu 76

DILI, STLNEWS.co – Ohin loron Kinta 20 Maiu, liu husi Centro Integrado Gestão de Crises – Sala Situação (CIGC-SS), relata tan kazu foun Covid-19 pozitivu total 172, husi numeru nee Munisipiu Dili nain 126 no rekoperadu nain 76.

“Kazu detetatu foun neebe ita relata ohin hamutuk nain 172, husi kazu nee Munisipiu Dili nain 126, inklui munisipiu sira seluk 46,” informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo liu husi nota konferensia ba publiku, Kinta (20/05/2021).

Nia hatutan, husi kazu nee iha mane nain 103 no feto nain 69, husi total kazu detetadu foun nee ema neebe idade tinan 12 nee iha nain 9, nomos idade entre tinan 12 to 59 nee iha nain 171, nunee mos idade 60 iha nain 2. Kazu sira nee proporsaun kazu sintomatiku hamutuk 9,8%.

Aleinde nee, iha Laboratoriu Nasional Saude halo teste PCR 964 neebe halo iha Dili, vijilansia sentinela iha 70, rastreiu ba kontaktu (contact tracing) 81, rastreiu aleatoriu (random screening) 291, depois sira neebe viajen sai husi serka sanitaria Munisipiu Dili 514, viajen internasional 4, nomos follow up iha kuarentena 4.

Nia infroma, konaba total testes PCR neebe halo iha munisipiu sira seluk, REAOA no HNGV hamutuk 662, mak hanesan Munisipiu Baucau 91, Ermera 55, Maliana 56, Maubisse 134, RAEOA 2, Suai iha 146, Viqueque 55, no HNGV 123.

Entretantu kazu rekoperadu neebe relata dia 20 Maiu 2021 nain 76, no total kazu ativu ohin 2.398, iha mos total kazu konfirmadu kumulativu iha 20 de Maiu 2021, sura husi 21 Marsu 2020 iha nain 5.121.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: