Update Covid-19 TL 02 Outubru: Kazu Pozitivu 28, Rekuperadu 21 & Obitu Nain 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 28, rekuperadu 21 no obitu nain 1.

“Kazu detetadu foun neebe relata ohin loron 02 fulan Outubru nee hamutuk 28 husi Dili 7, Baucau 20 no Munisipiu sira seluk nain 1, no kazu rekuperadu ohin loron hamutuk 21,” lia hirak hato’o husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira, liu husi nota konferensia imprensa, Sabadu nee (02/10/2021).

Nia informa, husi total kazu detetadu foun ohin mane 18 feto 10. Husi total kazu detetadu foun ohin nee ho idade 20 nain 7 (18,9%), idade entre tinan 12-59 nain 20 (71,4%), nomos idade 60 nain 1.

Nia hatutan, husi total kazu detetadu foun ohin 4 kazus ka 14,2% mak sintomatiku, i hatudu sintomas. Husi kazu detetadu foun ohin 10 (36%) iha ona vasina kompletu nee 3 (11%) hetan ona vasina doze dahuluk.

Total kazu ativu iha loron 02 fulan Outubru hamutuk 750, depois total kazu konfirmadu kumulativu iha loron 02 fulan Outubru tinan 2021, no sura husi 21 fulan Marsu tinan 2020 nee hamutuk 19,563.

Husi horiseik mai ohin loron 02 fulan Outubru tinan 2021, hamutuk hotu Laboratóriu Nasional Saude halo 51 testes PCR iha Dili, Vijilánsia Sentinela 0. Rastreiu ba Kontaktu (Contact tracing) 21. Rastreiu Aleatóriu (Random Screening) 15. Viajen sai husi serka sanitaria Munisipiu Dili 11. Viajen internasional nain 3. Follow up  iha kuarentena nain 1.Nia akresenta, total testes PCR neebe halo horiseik, loron 01 fulan Outubru, iha Munisipiu sira seluk, REAOA no HNGV hamutu 227, iha Baucau 37, Ermera 6, Maliana 12, Maubisse 4, RAEOA 19, Suai 20, nomos Viqueque 6, Lospalos 33, HNGV 90.

Aleinde nee, total obitu neebe relata ohin loron 02 fulan Outubru tinan 2021 nain 1, feto idade 56, hela iha RAEOA, vasina seidauk kompletu iha loron 27 fulan Setembru tinan 2021, diagnóstikadu Sindroma Insufisiensia Respiratoria Aguda (SIRA) tanba Covid-19. Iha loron nee kedas halao tratamentu iha fatin izolamentu iha RAEOA. Matebian iha mos problema diabetes ho anemia grave. Horiseik loraik tuku 16:00    matebian iis kotu iha RAEOA. Familia kolabora ho ekipa saude, hodi halao funeral tuir protokolu neebe adopta iha Timor Leste.*

Reportajen: Natalina Lopes

Editor: Ekipa STL

.

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...