Update Covid-19 TL 07 Outubru: Kazu Pozitivu 20, Dili Aumenta

DILI, STLNEWS.co – Ohin loron 7 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu pozitivu hamutuk nain 20, maibe dadus hatudu Munisipiu Dili mak numeru aumenta ba 15.

Liafuan nee informa husi Koordenador Forsa-Tarefa ba Prevensaun no Mitigasaun Surtu Covid-19 iha Timor Leste (CIGC-SS), Rui Maria de Araújo ba jornalista sira, liu husi nota konferensia imprensa, Kinta nee (07/10/2021).

Nia dehan, kazu detetadu foun neebe relata ohin loron 7 fulan Outubru tinan 2021 iha nain 20, iha Munisipiu Dili iha 15, nomos munisipiu seluk hamutuk nain 5.

Nia esplika, husi total kazu nee iha mane 12 no feto nain 8, kazu hirak ho  idade 20 nee iha nain 1 (5%) no idade entre tinan 12 to’o 59 nain 19 (95%), nomos iha ema idade 60 laiha, maibe iha 5 kazus ka 25% mak sintomátiku (hatudu sintomas).

Nia informa, kazu detetadu foun ohin 13 (65%), iha ona vasina kompletu nain 1 (5%) hetan ona vasina doze dahuluk, maibe iha mos kazu rekuperadu 26.

Nia tenik, husi total kazu ativu neebe sei baixa hela iha sala izolamentu nee hamutuk 295, no kazu konfirmadu kumulativu iha loron 7 fulan Outubru tinan 2021 no sura husi loron 21 fulan Marsu tinan 2020 iha 19.633.

Entretantu iha Laboratoriu Nasional Saude halo 124 testes PCR iha Dili, hanesan Vijilánsia Sentinela laiha, Rastreiu ba kontaktu (Contact tracing) laiha, Rastreiu Aleatóriu (Random Screening) 30, no iha mos viajen ba internasionál 88, Follow up iha kuarentena nain 6.

Depois total testes PCR neebe halo horiseik, loron 6 fulan Outubru, iha Munisipiu sira seluk REAOA no  HNGV hamutuk 240, hanesan Munisipiu Baucau iha 90, Ermera1, Maliana 15, Maubisse 20, RAEOA 2, Suai 13, Viqueque 12, Lospalos 14, inklui mos HNGV iha 74.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...