Update Covid-19 TL 07 Setembru: Kazu Pozitivu Hamutuk 190

DILI, STLNEWS.co – Loron 7 fulan Setembru tinan 2021 liu husi Centru Integradu Gestão de Crises, Sala Situação (CIGC-SS) rejistu tan kazu konfirmadu pozitivu Covid-19 hamutuk nain 190.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Tersa nee (07/09/2021).

“Kazu detetadu foun neebe relata ohin loron 7 fulan Setembru tinan 2021 iha nain 190, Munisipiu Dili 122,” tenik nia.

Nia dehan, kazu iha Munisipiu Baucau iha 25, Lautem nain 9 no RAEOA 8, Ainaro 7, Bobonaro iha 6 nomos munisipiu seluk hamutuk 13.

Nia esplika, husi total kazu foun nee iha mane 99 no feto iha nain 91, sira iha tinan 20 iha nain 21 hetan 11,0%, idade entre tinan 12 too 59 iha nian 159 hetan 83,6%, ho idade 60 iha nain 10, depois iha 22 kazus ka 27,5% mak sintomátiku (hatudu sintomas).

Nia tenik, husi kazu detetadu foun iha nian 54 hetan 28%, iha ona vasina kompletu 23, 12%, hetan ona vasina doze dahuluk.

Nia koalia, kazu rekoperadu iha nian 379, total kazu ativu neebe sei baixa hela iha sala izolamentu 3.941, no total kazu konfirmadu kumulativu iha 7 fulan Setembru tinan 2021 no sura husi loron 21 fulan Marsu 2020 hamutuk 17.888.

Entertantu Laboratoriu  Nasional Saude halo teste PCR iha 582, Vijilansia Sentinela iha nian 24, Rastreiu ba Kontaktu (Contact tracing) iha 34, Rastreiu Aleatoriu (Random Screening) iha 81.

Tanba viajen sai husi Serka Sanitaria (SS) Munisipiu Dili iha nain 229, no viajen internasional 160, Follow up iha quarentena 54, no total testes PCR neebe halo horiseik, loron 6 fulan Setembru, iha Munisipiu sira seluk, REAOA no HNGV hamutuk 581.

Nia afirma, Munisipiu Baucau iha 134, Ermera 3, Maliana 42, Maubisse 23, RAEOA 45, Suai 32, Viqueque 25, Lospalos 65, HNGV 212.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: